نێزیكی شەش هزار پارچەیێن ئەردی ل بەردەڕەشێ د بەرهەڤن بۆ بەلاڤكرنێ
رەمەزان زەكەریا:
پشتی وەرگرتنا رازیبوونا هەموو لایەنێن پەیوەندیدار بۆ كوژاندن و دروستكرنا نەخشەیێ كەرتی، پرۆسێسا بەلاڤكرنا پارچەیێن ئەردی ل سەر فەرمانبەران ل بەردەڕەشێ گەهشتییە قووناغێن دووماهیێ.
سیروان حەسەن، سەرۆكێ باژێرڤانیا بەردەڕەشێ راگەهاند، نەخشەیێ كەرتی د لیژنەیا راگەهاندنێ دایە و بڕیارە ل 13ڤئەیلوولێ تامام ببیت، پاشی ئێكسەر روونشتن ل گەل خودان مۆلكان دێ هێتە كرن بۆ دانا قەرەبوویا یاسایی و دەستپێكرنا پشككێشانێ.
ناڤبری گۆت: «نێزیكی سێ هزار فەرمانبەران ل سنۆرێ دەڤەرداریا بەردەڕەشێ دێ پارچەیێن ئەردی وەرگرن، زێدەتر ژ شەش هزار پارچەیێن ئەردی هاتینە بەرهەڤكرن، دا كۆ تێرا فەرمانبەران و قەرەبووكرنا 12% یا خودان تاپۆیێن چاندنێ، دیسا پشكەكا پارچەیێن ئەردی بمینن، وەكو پارچەیێن بازرگانی بۆ داهاتێ حكومەتێ و پڕۆژەیێن خزمەتگوزاری».
گۆت ژی: «ل سەر بڕیارا سەرۆكێ حكومەتێ، ئەردەكێ باش بۆ فەرمانبەران هاتیە دیاركرن و ل سەر ستانداردێن مۆدێرن نەخشە بۆ هاتیە دانان، رێژەیا كەسكاتیێ و جهێ قوتابخانەیان و خزمەتگوزاریێن گشتی ب هووری هاتینە بەرهەڤكرن، دا كو ببیتە تاخەكێ سەردەمیانە».
