سەرۆك بارزانی و عەمار حەكیم ڕەوشا سیاسی یا ئیراقێ گەنگەشە كر
سەرۆك مەسعود بارزانی ل پیرمام، پێشوازییا سەید عەمار حەكیم، سەرۆكێ باسكێ حیكمە یێ نیشتیمانی كر.
بارەگەهێ بارزانی بەلاڤكر، د وێ دیدارێ دا، سەرۆك بارزانی و سەید عەمار حەكیم گەنگەشە ل سەر دووماهی پێشهاتێن سیاسی یێن ئیراقێ و دەڤەرێ كر.
دیاركر ژی ، هەردو ئالییان دوپاتی ل سەر گرنگییا هەماهەنگییا د ناڤبەرا ئالیێن سیاسی دا كر، ب مەرەما دەربازكرنا ئاستەنگان و پێشئێخستنا پرۆسەیا سیاسی ل ئیراقێ، ب شێوەیەكێ كو ئارامی و بەرژەوەندیێن گشتی یێن وەلاتی مسۆگەر بكەت.
ئەڤ سەرەدانا سەرۆكێ باسكێ حیكمە د چارچۆڤەیێ زنجیرەیەكا دیدار و كۆمبوونێن د ناڤبەرا سەركردەیێن سیاسی یێن ئیراقێ دهێت، ژ بۆ لێكگۆهارتنا ڕاوێژان ل دۆر ڕەوشا سیاسی و چارەسەركرنا ئاریشەیێن هەلاویستی.
