نزار ئەحمەد: مە هیڤیێن مەزن بۆ پشکداریێ د قارەمانیێن نێڤدەولەتی دا هەنە
بێوار حەمدی
د داخویانیەکێ دا راهێنەرێ لەشجۆانیێ و کوڕێ باژێرێ دهوکێ نزار ئەحمەد بو ڕۆژناما ئەڤرۆدیارکر ئەڤە بۆ ماوەیێ نەهـ سالانە راهێنەرێ یارییا لەشجۆانیێ یە کو ب هاریکاریا ڕاهێنەر ئازاد شنگالی دەستپێکریە و شیایە ببیتە خودان لەشەکێ ساخلەم و تەندروست و هیڤیێن مەزن هەنە پشکداریێ د قارەمانیێن نێڤدەولەتی دا بکەت .
زێدەتر ناڤهاتی گۆت: د ئەڤ سالە دا پشکداری قارەمانییا لەشجۆانیێ یا ئیراقێ بووم ئەوا دهێتە هژمارتن ئێک ژ مەزنترین قارەمانیان، هەڤڕکیێن وێ ل پارێزگەها کەرکووکێ هاتبوونە ئەنجامدان ل سەر بنەمایێ لەشجۆانیێ و سیستەمێ وێ دڤێت درێژیا لەشی مرۆڤی ژ 175سم بیت و کێشا مرۆڤی ژ 75کگم ئەڤە شێوەیەکێ ستانداردە و نێزیکی 20 یاریزانان پشکداربوون لێ لسەر ئاستێ پارێزگەها دهوکێ ئێکانە دناڤا هەڤڕکیان دا بووم.
ئەوچەندە ژی دا زانین د ڤێ بەریکانێ دا ڕێزا سێیێ بدەستڤەئینا بوو و گۆت: ئاستێ کلاسک فیزیک هەڤرکی کربوو کو پشکدارییەکا بهێز دناڤا یاریزانان دا هەبوو ئەوێن ئێکێ و دویێ هاتین ژ پارێزگەهێن بەسرا و دیوانیە بوون، ب خوەشحالی ڤە ئەم هەرسێ بتنێ هاتینە خەلاتکرن و باوەرنامەیا تایبەت ب مە هاتە دان.
ژلایەکێ دووڤە بێوار حەمدی گۆت: پێشتر ژی شیابووم ناسناڤان بدەستڤە بینم تایبەت ل سالا 2021 ل پارێزگەها مووسل پلا دویێ بدەستڤەئینایە، ل سالا 2022 ێ ژی د قارەمانیا هەرێما کوردستانێ دا شیام پلا ئێکێ بدەستڤە بینم، لێ داخوازیا مە ئەوە کو لژنەیا مە یا ئولومپی یا هاریکار بیت دگەل گەنجێن وەکو مە دا بشێین بگەهینە هیڤیێن خوە و پشکداریێ د قارەمانیێن نێڤدەولەتی ژی دابکەین.
