هەتا خزیرانا سالا بهێت ڤەگەڕیانا ئاوارەیان بۆ شنگالێ دێ یا بـەردەوام بیت
دهۆك، لەزگین جۆقی:
رێڤەبەری كۆچ و كۆچبەران ل دهۆكێ دیاركر كو گەڕا نەهێ یا ڤەگەڕیانا ئاوارەیان بۆ شنگالێ دێ دەست پێ كەت و هەتا مەها خزیرانا سالا بهێت دێ یا بەردەوام بیت.
پیر دەیان، رێڤەبەری كۆچ و كۆچبەران ل دهۆكێ بۆ رۆژناما ئەڤرۆ گۆت: «د ناڤ گەڕا نەهێ دا ناڤێن پتر ژ 400 خێزانێن ئاوارە بۆ ڤەگەڕیانا شنگالێ دێ هێنە تۆماركرن، ئاوارە ل هەموو كەمپان دشێن ناڤێن خۆ بۆ ڤەگەڕیانا شنگالێ تۆمار بكەن».
گۆت ژی: «چو گڤاشتن ل سەر ئاوارەیان نینە، دئازادن بۆ ڤەگەڕیانا شنگالێ، نوكە ل كەمپان دەست ب تۆماركرنا ناڤێن ئاوارەیان هاتیە كرن و دێ یا بەردەوام بیت».
