حەفتیا بهێت پشككێشان بۆ ناڤێن حەجیان دێ هێتە كرن
دهۆك، دلۆڤان ئاكرەیی:
كاروان ستوونی، پەیڤدارێ رێڤەبەریا گشتی یا حەج و عومرەیا هەرێما كوردستانێ بۆ رۆژنامەیا ئەڤرۆ دیار كر، پرۆسێسا ئەنجامدانا پشككێشانێ، كو ژ بەر هووربینیا داتایان و هندەك ئاڕێشەیێن تەكنیكی پاشكەفتبوو، ب ئەگەرەكێ زۆر د حەفتەیا بهێت دا دێ هێتە ئەنجامدان.
ناڤهاتی گۆت: «كار ب ئارمانجا پاراستنا زەلالی و دادپەروەریێ هاتینە رێكئێخستنڤە و د رۆژێن بهێن دا دێ ئێكلاكەن، بۆ وەرزێ حەجێ یێ ئەڤ سالە، پتر ژ 116 هزار وەلاتیان ناڤێن خۆ تۆمار كرینە، ئەڤ سالە ژبەر زۆربوونا رێژەیا خوازیاران، پرۆسێسا ناڤنڤیسین و پشككێشانێ ب سیستمەكێ پێشكەفتی یێ ئەلیكترۆنی ب رێڤە دچیت، داكو ب شێوەیەكێ دادپەروەرانە ناڤێن حاجییان بهێنە دیاركرن».
