حەفت رۆژان بێهنڤەدانا فەرمی یە بۆ فەرمانبەرێن ئێزدی
دهۆك، لەزگین جۆقی:
رێڤەبەرێ گشتی یێ كاروبارێن ئێزدیان دیاركر كو ب هەلكەفتا هاتنا جەژنا جەمایێ یا پیرۆز، بۆ دەمێ هەفتەیەكێ ل دام و دەزگەهێن حوكمەتا هەرێما كوردستانێ بۆ فەرمانبەرێن ئێزدی دێ بتە بێهنڤەدانا فەرمی.
سعود مستۆ نەجیم، رێڤەبەرێ گشتی یێ كاروبارێن ئێزدیان بۆ ئەڤرۆ گۆت: «ل دووڤ بڕیارا سەرۆكاتییا حوكمەتا هەرێما كوردستانێ، هژمارە 16یا سالا 2010 كو تایبەتە ب بێهنڤەدانێن فەرمانبەرێن ئێزدی ڤە، سالانە ب هەلكەفتا جەژنا جەمایێ دبیتە بێهنڤەدان، ب ڤێ هەلكەفتێ، رۆژا سێشەمبی 6/10/2026 ڕێوڕەسمێن جەژنا جەمایێ ل پەرستگەها لالشێ یا پیرۆز دێ دەست پێ كەن و بۆ دەمێ حەفتیەكێ دێ د بەردەوام بن».
گۆت ژی: «ب ڤێ هەلكەفتێ رێككەفتی 7/10/2026 بۆ دەمێ هەفتیەكێ هەتا 14/10/2026 دێ بێهنڤەدانا فەرمی بیت بۆ فەرمانبەرێن ئێزدی».
