ئەو دارێن دهێنە بڕین نە ل هەرێما كوردستانێ نە
دكتۆر عەلی تەتەر، پارێزگارێ دهۆكێ د كۆنگرەكێ رۆژنامەڤانی دا دیاركر، ئەو ڤیدیۆیێن بڕینا داران و د تۆڕێن جڤاكی دا بەلاڤ بووین، ئەو بڕینا داران نە ل هەرێما كوردستانێ بوویە.
پارێزگاری گۆت: «ل دووڤ وان بەلگە و دووڤچوونێن ب دەست مە كەفتین، وەسا دیار دبیت ئەو دارێن دهێنە بڕین، نە ل هەرێما كوردستانێ بووینە و ئەو جهێ دار لێ دهێنە بڕین یێ دیارە، كو د ناڤ توركیا دایە، مە ب هووری دووڤچوون ل سەر كریە و راستە بەری چەند سالان هژمارەكا داران ل هەرێما كوردسانێ هاتینە بڕین بەلێ نوكە ب چو رەنگەكی دار نەهاتینە بڕین».
گۆت ژی: «ب سوپاسی ڤە ئەو هەلوەستێ هەژمارەكا چالاكڤانان د تۆڕێن جڤاكی دا هەكە ل هەرێما كوردستانێ بن مافێ وانە، لێ هەر د وان ڤیدیۆیان دا دیار دبیت، كو ئەو دەڤەر نە ل هەرێما كوردستانێ یە و دكەڤیتە باكوورێ كورستانێ ل وەلاتێ توركیا و ل ئێك ژ دەرگەهێن سنۆری دەبارزی ناڤا هەرێمێ دبن و هەموو ئەو كەس دزانن یێن ب چاڤێن خوە دیتین، هەروەسا د كامیرەیێن چاڤدێریێ ژی دا باش یا دیارە و هەر كەسەكێ بڤێت د شێت بچیتە د ناڤا توركیا دا و وی جهی باش ببینیت یێ دار لێ دهێنە بڕین».
