قادر ئەسعەدی كلیپەكا نوو بەلاڤكر
زنار تۆڤی
قادر ئەسعەد، هونەرمەندێ ناسیارێ كورد، نووترین سترانا خۆ ب ناڤێ (وانابێ) ب شێوێ ڤیدیۆ كلیپ بەلاڤكر و گۆت: من سۆز دابوو حەزژێكەرێن دەنگێ خۆ هەر چار هەیڤان جارەكێ بەرهەمەكێ نوو پێشكێشی وان بكەم، ئەڤ سترانا من یا نوو ژپەیڤ و ئاواز یێن من ب خۆ نە، ناڤەرۆكا ڤێ سترانێ بەحسێ بابەتێ ئەڤیندارییێ دكەت و ب شێوێ هوزانەكا عاشقانە من پێشكێش كرییە، هەروەسا كارێ دیكۆری ژلایێ ئارام ناسر و شانۆ ئەكرەم ڤە هاتینە كرن و دلێر دلاوەری كارێ دەرهێنانێ بۆ ڤێ ڤیدیۆ كلیپێ كرییە.
هەروەسا گۆت: بەری نوكە من سترانەكا دی ب شێوێ كلیپ بەلاڤكربوو، ئەز هیڤیدارم ب رێیا ڤی بەرهەمی و بەرهەمێن بهێن ژی، جارەكا دی بشێم حەزژێكەرێن دەنگێ خۆ دلخۆش بكەم و بەرهەمەكێ نوو د ژینگەها سترانا كوردی دا پێشكێشی وان بكەم.
