ل ئاكرێ و بەردەڕەشێ هژمارەكا رێكێن سەرەكـی دهێنە سەخبێركرن
رەمەزان زەكەریا:
ل سنۆرێ دەڤەرداریێن ئاكرێ و بەردەڕەشێ كارێن سەخبێركرنا بلەز بۆ هژمارەكا رێكان دهێتە كرن.
ئەندازیار محسن میرانی، رێڤەبەرێ سەخبێركرن و پاراستنا ڕێك و پران ل ئاكرێ بۆ ئەڤرۆ گۆت: «ڕێكا سەرەكی یا بەردەڕەشێ بۆ كەلەكێ دهێتە سەخبێركرن و مەرەم ژێ نەهێلا ئاستەنگانە ل هەمبەر هاتنوچوونێ، هەروەسا كار ل سەر سەخبێركرنا ڕەخ ڕێكا ناڤبری هاتیە كرن بۆ پاراستنا پڕان و پشكێن دی یێن ڕێكێ».
ناڤبری گۆت ژی: «ب پشتەڤانیا د. عەلی تەتەر، پارێزگارێ دهۆكێ كارێ چێكرنا دیوارێ پالپشتێ كۆنكریتی ل سەر ڕێكا ستراتیژی یا دینارتە بۆ چیایێ پیرس دەست پێ هاتییە كرن و كار تێدا ب شێوەیەكێ باش و بلەز دهێتە كرن، پڕۆژە ل سەر بودجەیا تایبەت یا پارێزگەها دهۆكێ دهێتە بجهئینان، كو ژ ئەگەرێ لەهیێن پار زیانەكا مەزن گەهشت بوویێ«.
