كەڤالێن من نە گرێدای ئێك ڕێبازن
هەرهین محەمەد
شێوەكارا گەنج (دوعا حەسەن حەجی) د دیدارەكێ دا دبێژیت: ستایلێ من نە یێ سنوور دارە و نە د ئێك قالب دا دهێتە گرتن و ئەو تێكەلەیە ژ مۆزیك پەیكەرسازی و كەڤالێن سەربەخۆ و نە گرێدای نە ئێك رێبازن، بەلكو حەزدكەم هەموو ستایلان تاقی بكەم و زمانێ خۆ یێ تایبەت تێدا بینم و ئاریشەیا من چو جاران ل گەل چ ڕێبازێن هونەری نینە، بەرۆڤاژی حەزژ هەموو پشك و ڕێبازێن هونەری دكەم و ئاریشەیا من یا راستەقینە ل گەل وان ژینگەه و سیستەمێن كێم ئاست هەیە، یان ل گەل مامۆستایێن نە تایبەتمەند یێن بابەتێن دی، واتە هونەری ب سڤكی دبینن و ب پەیڤێن سار و بێ هەست خەونێن مەزن یێن قوتابیان دكۆژن.
ناڤهاتیێ گۆت: پێگەهێ ژنێن شێوەكار ل كوردستانێ نوكە یێ ب ئاریشەیە و مخابن ل سۆشیال مەدیایێ رۆگەش پێشترە ژناڤەرۆكێ و كچەكا بێ ڕامان و مودێل سەرنجەكا پتر ژ هونەرمەندەكا راستەقینە و خودان كارێ بلند ڤەدكێشیت، بەلێ ئەز گەلەك كاردكەم و ماندی دبم، بەلێ ب مخابنی ڤە دڤی جڤاكی دا ماندیبوونا راستەقینە بهایێ خوە نابیت، چونكو كار و تێكوشانا هونەری ل بەرچاڤێن جڤاكەكی كو بتنێ ل دووڤ رووگەشێ دگەڕیت.
