مە ڕاستی پاراستییە و ب پیشەیانە كاردكەین
بێوار حەمدی
نسرەت عەرەفات، پەیامنێرێ دەزگەهێ سەتەلایتا كوردستانێ ل دهۆكێ، د دیدارەكێ دا گۆت: ئەڤە نێزیكی (20) سالانە ئەز هەر كارێ پەیامنێریێ دكەم و هەر ل دەستپێكێ من كەنالێ دایك (كوردستان تیڤی) هەلبژارت، ژبەركو ل سەر ڕێبازا پیرۆز و تەڤگەڕا گەلێ كوردستانێ هاتیە دانان و خەلك ب ڕێزەكا مەزن ڤە پێشوازیا مایكا مە دكەن، ژبەركو مە ڕاستی پاراستییە و ب پیشەیانە كاردكەین.
هەروەسا گۆت: پێدڤیە پتر گرنگی ب یاسایێن رۆژنامەڤانیێ و پاراستنا نافێن مرۆڤی بهێتە دان و یاسا ل گەل سەردەمێ نوو بهێتە ڕاستڤەكرن و ڕۆژنامەڤان ژی بەردەوام خۆ پێشڤە ببەن و لەزاتیێ دوەرگرتنا ژێدەرێن باوەرپێكری دا بكەن، هەروەسا گەلەك پەیامنێر ژی ل دووف دەلیڤەیێن باشتر یێن دارایی دگەڕن و جهێ خۆ د گوهۆڕن، لێ من هزر نەكریە جارەكێ ڤێ مایكێ ب گۆهۆڕم، ژبەركو هەتا نوكە ل جهێ خۆ یێ ئارامم.
