بێ هیڤی نە بە، گەر ڕۆژ هەلات دێ ل هەمی جهان دوومان ئاڤا بن
كەسەر ئەحمەد
تە چ ژ من د بیردانکا خۆدا هەلگرتیە
گاڤا تو دکەڤی خۆ ب چ ڤەدگری؟
تە ئەز ل کتژ دوومانێ بەرزەکرم
ل ناڤا تەم ومژان ل من دگەڕیایی؟
تە دڤێت پێکڤە ژ کێشوەرێ ئەردی ب دەرکەڤین
لەرزێن غەربییا تە بۆ من
بریارە کەنگی ب راوستن
ب کیژ دەستمالا من ڕۆندکێن خۆ ڤەدمالی
ل بەر کیژ وێنێ من دنڤی؟
ل کیژ دەمی دگڕنژی دەما هزر د من دا دکەی
بۆ کیژ رویدانا مە غەمباری؟
تو دزانی هژمارا زێمارێن من ل سەر نەبوونا تە باراندین
گەلەک پترن ژ هژمارا حەژێکرنا من بۆ تە
پتر بۆ تە دگریم، پتر گازندا دکەم
گلە و گازندا پەرتووکێن ل سەر ملێ من پڕ کرن
خڕخڕا پێنوسێ قەدەرێ بۆ نە خۆشییا
ئەز پتر دەڤ گازندە لێ کرم
بریارە کەنگی ڕۆژ ب هەلیت دا شەوقا من
ژ سالوخەتێ ڕۆژێ کێم بکەت
دا ڕۆژ ل هنداڤی چاڤێن من و تە تیشکێن
هشکرنا زێماران، لادانا کەسەران،
ژناڤبرنا سیتاڤان بەلاڤ بکەت..
هەتا سیتاڤ نەمینن خەون گۆری راستییا تەبن
دا چ جاران گازندا ژ نەبوونا تە و
ئەو هەلبەستێن بێ دوماهیک ماین نەکەم.
