ئەڤرۆ بایرن میۆنخ، پاریس سانجێرمان و بەرشەلۆنا د تاقیكرنێن بهێز دانە
چاڤەڕێ دهێتە كرن ئەڤرۆ دەست ب هەڤڕكیێن گەڕا چارێ ژ قووناغا ئێكێ یا قارەمانییا یانەیێن ئۆرۆپا قارەمانیێن خولا چامپیۆنز لیگ ب ئەنجامدانا نەهـ یارییان بهێتە كرن و سوبەهی ژی نەهـ یاریێن دی بەردەوامبن، ئەوێن دێ بڤی شێوەیی هێنە كرن.
گالاتا سارایی- شتۆتگارد
یانەیا گالاتا سارایی یا توركی دێ ل یاریگەها خوە یانەیا شتۆتگارت یا ئەلمانی مێڤان كەت، خودانێن ئەردی د كاوانەكێ باش دا نینە ئەوا بتنێ سێ خال هەین ل ڕێزا 23ێ دهێت ژ سەركەفتنەكێ و دو خوسارەتی هەنە، ژلایێ خوە شتۆتگارت حەفت خال هەنە ل ڕێزا شەشێ دهێت و هیڤیێن باش هەنە بۆ بەردەوامییا ئەنجامێن خوە، یانەیا نوركی پێدڤی ب ڤەگەڕیانێ یە و ئاشكرنا جەماوەرێ خوەیە، ئەڤ یارییە دێ ل دەمژمێر 8:45 شەڤ هێتە كرن.
شاختار دۆنێتسك- سپۆرتینگ لەشبۆنا
ژلایەكێ دووڤە یانەیا سپۆرتینگ لەشبۆنا یا پۆرتۆگالی دێ ل یاریگەها ستامفۆرد برێدچ ل لەندەنا بریتانیا بیتە مێڤانا یانەیا شاختار دۆنێتسك یا ئۆكرانی كو ئەڤ یاریگەهـ بوو یا ئۆكرانی دهێتە هژمارتن ژبەر كاودانێن شەری، سپۆرتینگ لەشبۆنا شەش خال هەنە ل ڕێزا 12ێ دهێت و چاڤ ل سەركەفتنا دویێ یە، لێ دبەرانبەر داش اختار چار خال كۆمكرینە ل ڕێزا 17ێ دهێت و شەڕێ سێ خالا كەت، ئەڤ یاریە ژی ل دەمژمێر 8:45 شەڤ هێتە ئەنجامدان.
ئەتلەتیكۆ مەدرید- بایرن میۆنخ
ئەڤرۆ ل دەمژمێر 11ی شەڤێ دیدارەكا ئاگرین دناڤبەرا دو هێزان دا یانەیا ئەتلەتیكۆ مەدرید یا ئسپانی دێ ل یاریگەها خوە یانەیا بایرن میۆنخ یا ئەلمانی د ئێك ژ گۆپیتكا یاریێن ڤێ حەفتیێ دانە، یانەیا ئسپانی چار خال كۆمكرینە ل ڕێزا 16ێ دهێت، ب جواهییا خالەكا زێدەتر یانەیا ئەلمانی ل ڕێزا 14ێ دهێت، هەردو یانە پێدڤی ب سەركەفتنێ هەنە ژبۆ مسۆگەركرنا دەربازبوونێ بۆ قووناغا 16ێ، بایرن ب ناڤودەنگییا خوە یا هێرشبرنێ و ئەتلەتیكۆ مەدرید ب بەرەڤانیێ، دێ یارییەكا ئاست بلند هێتە دیتن.
بەرشەلۆنا- ئەستۆن ڤێلا
یارییەكا دی یا ئاگرین بڕیارە ئەڤرۆ ل دەمژمێر 11ێ شەڤ، دەمێ یانەیا بەرشەلۆنا ب ئارمانجێن مەزن یانەیا ئەستۆن ڤێلا ئێك ژ هێزێن یانەیێن ئنگلتەرایێ ل یارگەها خوە كامب نوو مێڤان بكەت، یانەیا ئسپانی خودانا شەش خالایە ل ڕێزا هەشتێ دهێت، ئەستۆن ڤێلا خودانا نەهـ خالایە ل ڕێزا دویێ دهێت، تاقیكرنەكا ڕاستەوخۆ بۆ هانس فلێكی بەرانبەر ئاستەنگا یانە ئنگلتەرایی ب سەركێشیا ڕاهێنەرێ وان ئونایی ئیمری.
مانچستەر یۆنایتد- رۆما
ئێك یاریێن دی یێن د زنجیرەیا دیدارێن ئاگرین یێن ئەڤ ئەڤشەڤە دا یانەیا مانچستەر یۆنایتد یا ئنگلتەرایێ دێ ل یاریگەها خوە ئۆلترافۆرد مێڤاندارییا یانەیا رۆما یا ئیتالی كەت، یانەیا ئنگلتەرایێ ژ سێ یاریێن بۆری بتنێ ئێك سەركەفت هەیە سێ خال كۆمكرینە ل ڕێزا 20ێ دهێت، ژلایێ خوەڤە رۆما چار خال كۆمكرینە ل ڕێزا 15ێ دهێت، دیدارەكا ئاگرین و شەڕێ سێ خالان دێ بەردەوامبیت هەتا فیركا دادڤانی، یاری ل دەمژمێر 11ێ شەڤ بیت.
فاینۆرد- ئینتەر میلان
شەڕەكێ دی یێ سێ خالان دناڤبەرا مێڤانێن خودانا ئەردی یانەیا ئینتەر میلان یا ئیتالی و هەڤڕكا وێ یانەیا فاینۆرد یا هۆلەندی ئەوا دێ ل یاریگەها دی كویێت ل هۆلەندا هێتە كرن، هەردو یانە خودان سێ خالان، لێ ئینتەر ل ڕێزا 20ێ دهێت و فاینۆرد ل ڕێزا 26ێ دهێت دبەرانبەر دا یانەیا هۆلەندی د ڕەوشەكا باش دایە ل خولا وەلاتێ خوە كو سەرێ لیستێ دهێت، ئەڤ دیدارە ژی 11ێ شەڤێ یە.
ڤیاریال- پاریس سانجێرمان
هەلگرا ناسناڤێ وەرزێ بۆری یانەیا پاریس سانجێرمان ب ژڤانە ئەڤرۆ ل دەمژمێر 11ێ شەڤ ببیتە مێڤانا یانەیا ڤیاریال یا ئسپانی، یانەیا فرەنسی سەرێ لیستا گشتی یا ڕێزبەندیێ دهێت ب كۆمكرنا نەهـ خالان، ڤیاریال خودانا سێ خالانە ل ڕێزا 19ێ دهێت، دبیت یانەیا ئسپانی ئاستەنگێ بەرانبەر هەلگرا ناسناڤی ببینت ژبەركو هێزا تیما وان ل هێرشبەریێ و هێلا ناڤین لێ د فوتبۆلێ دا هەر پێشبینیەك یا هەی.
بۆدۆ- لیل
یارییا هەشتێ یا ئەڤرۆ ل 11ی شەڤێ یانەیا بۆدۆ كیلیمێت یا نەرۆیجی ل یاریگەها خوە یانەیا لیل یا فرەنسی مێڤان كەت، بۆدۆ سێ خال هەنە ل ڕێزا 28ێ دهێت و یانەیا فرەنسی سێ خوسارەتیان بێ خالە ل ڕێزا 35ێ و بەری دووماهیێ دهێت هەردو یانە چاڤ ل سەركەفتنێ و خوە قورتالكرنێ یە.
لاسك- سلۆڤان
دیدارا دووماهیێ ژ زنجیرەیا یاریێن ئەڤرۆ ل دەمژمێر 11ێ شەڤێ یانەیا لاسك لینز یا نەمسایی مێڤاندارییا یانەیا سلوڤان براتێسلاڤا یا سلۆڤاكی كەت، بۆ هەردو یانەیان یاری گەلەك گرنگە و دەلیڤەیا سێ خالان بەردەستە، خودانێن ئەردی سێ خال هەنە ل ڕێزا 24ێ دهێت و هیڤیێن وێ بۆ دەربازبوونێ د مەزنن، دبەرانبەر دا مێڤانا وێ سلۆڤان هیچ خالەك نینە ل ڕێزا 36ێ و دووماهیێ دهێت.
