چلیا هونەرمەند ( عەبدولسەلام سلێمان ) سوبەهی دێ هێتە گێڕان
سندس سالح سلێڤانەیی:
ب هەلكەفتــــــــا بۆرینا (40) رۆژان ل سەر وەغەركرنا هونەرمەندێ دێرین (عەبدولسەلام سلێمان عابد) ناڤدار ب(عەبۆ) رێڤەبەریا گشتی یا ڕەوشەنبیری و هونەری ل دهۆكێ، ب هەڤكاری ل گەل سەندیكا هونەرمەندێن كوردستانێ/ لقێ دهۆك، ل بەرە ســــــــــــــوبەهی رۆژا چارشەمبی، رێكەفتی 4/11/2026 ل دەمژمێر (11) بەری نیڤرۆ ل هۆلا محەمەد عارفێ جزیری چالاكیەكا ماتەمینی بگێڕیت
و هژمارەكا پەنەلان هاتینە ئامادەكرن.
عەبدولسەلام سلێمان عابد (عەبۆ) ل سالا 1968 ل دهۆكێ ژ دایكبوویە، پتری (30) سالان وەكو ئەكتەرەكێ چەلەنگ دناڤ هونەرێ كوردی دا كاركریە و پشكداری د دەهان شانۆگەری و فلم و زنجیرەیێن تەلەفزیۆنی و دراما و فلمێن سینەمایی دا كریە و رۆلەكێ بەرچاڤ د پێشخستنا دراما كوردی دا ب تایبەت ل دەڤەرا بەهدینان هەبوویە و ژ بەرهەمێن هەرە باش د سالێن نوتان دا، پشكداریا وی بوو ل گەل كۆما وژدان یا هونەری ل دهۆكێ كو هەتا نوكە بەرهەمێن وێ زیندی د دلێ خەلكی دا ماینە.
