ڤیان دەخیل: ھاریکاریێن ب رێکا بەغدا بۆ پەنابەران ھاتین 70% نەگەھشتینێ
ئەڤرۆ:
پەرلەمانتارەکا ئێزدی یا پەرلەمانێ عیراقێ دیار کر کو ژ وان ھاریکاریێن دەولەتێن بیانی ب رێکا بەغدا بۆ پەنابەرێن کوردستانێ فرێکرین ٧٠% نەگەھشتینە کوردستانێ و گەندەلی ژلایێ حکومەتا بەغدا ڤە ھاتیەکرن.
ڤیان دەخیل پەرلەمانتارا ئێزدی کو سەرەدانا لقێ 20 پارتی دیمۆکراتی کوردستان کر و باشی سەرەدانا کەمپێن پەناران کری بۆ رۆژناما ئەڤرۆ دیار کر کو ل پارێزگەھا دھۆک سەرەدانا ھەمی کەمپێن پەنابەرێن ئێزدی کریە و دووماھی سەرەدان کەمپێن دەڤەرا شێخانن و گۆت “دیار بوویە کو حوکمەتا بەغدا چ بۆ وان نەکریە و ئەو ھاریکاریێن دەولەتێن بیانی ب رێکا بەغدا بۆ پەنابەرێن کوردستانێ فرێکرین 70% نەگەھشتینە کوردستانێ”.
پەرلەمانا ئێزدی گۆت ژی “ل مەھا شەش ئەزا ھاتیمە داخوازکرن کو د مەزنترین کۆنگرە دا ل باژێرێ ڤییەنا پشکدار بم ژبۆ گەھاندنا دەنگێ ئافرەتا ئێزدی تایبەت ئەوێن ئەڤ کارەساتە ب سەری ھاتی بۆ ھەمی جیھانێ و نھا مژوولی دانانا سەنتەرانم کو د ڤان کەمپێن پەنابەران دا ڤەکەین ب سەرپەرشتیا نوشدارێن شارەزا د ھەمی واران دا بۆ وان کچێن ژ دەستێن تیرۆرستێن داعش رزگار بووین کو ھاریکاریا وان بکەین و رۆژانە تەندروستیا وان ب پرسین”.