یاریكه‌ره‌كێ هه‌لبژارتیێ عیراقێ ب فه‌رمی چو خۆلا ئیتالیا
ئه‌ڤرۆنیۆز، ئه‌یاد به‌روارى
یاریكه‌ره‌كێ هه‌لبژارتیێ عیراقێ ب شێوه‌كێ فه‌رمی چو دناڤ رێزا یانه‌كا ئیتالی دا و ل وه‌رزێ بهێت دێ ل گه‌ل وێ یانێ یاریێ كه‌ت.
عه‌لی عه‌دنان یاریكه‌رێ هه‌لبژارتیێ عیراقێ و یانا تشایكور ریزا سپۆر یا توركی، ل دووڤ سایتێ (كوووره) ب فه‌رمی چو دناڤ رێزێن یانا ئودینیزی یا ئیتالى دا و یانا ناڤبرى ب شێوه‌كێ فه‌رمی راگه‌هاند كو هه‌ڤبه‌ستا ل گه‌ل یاریكه‌رێ عیراقی دبیته هه‌ڤبه‌ستا ئێكێ یا وێ یانێ بۆ وه‌رزێ بهێت.
عه‌لی عه‌دنان یێ 21 سالی ل سالا 2013 ژ یانا (الامانه) یا عیراقێ چوبۆ دناڤ رێزێن یانا توركی دا و پشكداری د 24 یاریێن نێڤده‌وله‌تى دا ل گه‌ل هه‌لبژارتیێ عیراقێ یێ ته‌پا پێ دا كریه و گۆله‌ك یا تۆماركرى.
دهێته زانین یانا ئودینیزی یا ئیتالی ل ڤی وه‌رزی ل پلا 16 دهات د خۆلا ئیتالیا دا .