پێشمه‌رگه هێمايێ مێرخاسي و ئازايه‌تي و به‌رگريا تيرۆرێ يه
ده‌مێ كو داعشێ هه‌ست ب شكه‌ستنێ كري ل عێنزاله، رابوو ئاگر به‌ردا سێ پارزنێن پترۆلێ كو 031 هزار به‌رميل ژێ سۆتن. هه‌ر ديسا رۆژا پێشمه‌رگه‌ي ژ به‌ر ئه‌گه‌رێن ته‌كنيكي عينزاله هێلايي، ده‌ستێ خوه ب خرابي نه‌كره وان بيران.به‌ري ڤێ روودانێ ژي داعشێ نه‌خشه دانا بۆ په‌قاندنا سكريچ مووسلێ به‌ري ژێ بهێته ده‌رخستن، لێ پێشمه‌رگه ب له‌زتر گه‌هشتێ و شيا وێ پيلانا وێ يا دۆزه‌خين براوه‌ستينيت. بۆ زانين كو پێشمه‌رگه ده‌مێ ژ سكري خوه‌پاشكێشاي بۆ ئه‌گه‌رێن ته‌كنيكي ژي، سكر هێلا وه‌كو خوه. ل ده‌سپێكا سالا 1991ده‌مێ له‌شكرێ عيراقێ ژ كويتێ هاتيه ده‌رخستن، ئێكه‌م تشتێ كري كو وي له‌شكرێ(باسل) ئه‌و بوو كو ئاگر به‌ردايه بيرێن پترۆلا كويتێ و هه‌مي بهايێن ره‌وشتين يێن پاك ل نيڤا ديواري دان. رۆژا پێشمه‌رگه ژ كه‌ركووكێ هاتيه ڤه‌كێشان ل هه‌مان سال ژبه‌ر هنده‌ك ئه‌گه‌ران كو ده‌ليڤا دياركرنێ ل ڤێره نينه، لێ چو بيره‌كا پترۆلێ نه‌سۆتبوو، سه‌ره‌راي هندێ كو دشيا بكه‌ت و ب ساناهي ژي و سه‌ره‌راي هندێ كو حوكمه‌تێن عيراقي يێن ل دووڤ ئێك داهاتێن پترۆلێ ل كه‌ركووكێ بكاردئينان دژي كوردان و بۆ ده‌مێ ساله‌ها سالان، مژار شه‌رمزارتر ئه‌وه كو له‌شكرێ عيراقێ يێ هاتيه ناسين ب زارێ (الباسل) و پاسه‌وانێ ده‌رگه‌هێ رۆژهه‌لاتا نه‌ته‌وا عه‌ره‌بي يه، رابوو ده‌ستدرێژي و هه تكبه‌ري ل سه‌ر (0001) ژن و كچێن كوێتێ كرن و ل ئادارا 1991 ده‌مێ له‌شكرێ عيراقي ل به‌رامبه‌ر پێشمه‌رگه و جه‌ماوه‌رێ ملي يێ كوردي رۆخيايي، لێ پێشمه‌رگه‌ي تۆلێن خوه ژ ئه‌فسه‌ر و سه‌ربازێن وي له‌شكرێ تاوانبار ڤه‌نه‌كرن ژ ئه‌گه‌رێ وان كاره‌ساتێن نه‌هێنه سالوخه‌تكرن وه‌كو: ئاگربارانكرنا حه‌لبجه ب كيمياوي و زالكرنا ئه‌نفالێن ره‌ش ل سه‌ر كوردان و خرابكرنا 0054 گوندێن كوردان و بنئاخكرنا ب ساخي يا ده‌هان هزاران ژ كوردان د ناڤ گۆرێن ب كۆم دا. پێشمه‌رگه‌ي ل شوونا هندێ كو سزدانا وان بكه‌ت رابوو خه‌لكێ وي خوارن و ڤه‌خوارن بۆ وان ئه‌فسه‌ر و سه‌ربازان پێشكێش كرن ل ده‌مێ ڤه‌گه‌ريانا وان بۆ ديلكريان ل ناڤه‌ند و ژێريا عيراقێ. ل سالێن هشكه‌سالي ده‌مێ ل ده‌ڤه‌رێن عه‌ره‌بێن سوني دايي به‌ري نێزيكي 41 سالان، حوكمه‌تا كوردستانێ رابوو كه‌رشوكه‌وال و په‌زێ وان ئينانه كوردستانێ ژ به‌ر ئه‌گه‌رێن چه‌رواني و پێشمه‌رگه‌ي پاراستنا وان كر، هه‌ر وه‌سا ده‌مێ پێشمه‌رگه‌ي كونترۆل ل سه‌ر ده‌ڤه‌رێن دابڕي ژ كوردستانێ كري ، لێ ب درێژيا 11 سالان رابوو هاريكاريا هۆزێن عه‌ره‌بي يێن هه‌ڤسووي گوندێن كوردي كرن ل دووڤ پره‌نسيپێ (حه‌قێ جيرانێ ل سه‌ر جيراني) و هنده‌ك پره‌نسيپێن ديترێن زه‌لال. باشه هوون دزانن ئه‌وان عه‌ره‌بان ب چو شێوه به‌رسڤدانا قه‌نجيێ كرن؟. پشتي كو داعشێ گوندێن كوردان ل شنگالێ و زمارێ و مه‌خمۆر و گۆێر .. هتد، داگير كرين، لێ ئه‌وان عه‌ره‌بان داعش پێشخستن و مالێن كوردان تالان كرن و خه‌لكێ شڤيل و بێ چه‌ك كوشتن ژ ژن و زارۆ و زه‌لامان ژ بلي هه‌تككرنا ژنان.. هتد ژ وان كريارێن هۆڤ، ل به‌رامبه‌ر دا ژي ده‌مێ پێشمه‌رگه‌ي ئه‌و ده‌ڤه‌رێن داعشێ داگيركرين زڤراندينه ڤه لێ تۆل ژوان عه‌ره‌بان ڤه‌نه‌كرن يێن خرابي كرين،، لێ بارزاني داخواز بژاند كو عه‌ره‌بێن په‌نابه‌ر ل كوردستانێ نه‌هێنه زياندان ژ وان عه‌ره‌بێن قه‌نجي نه‌زان، پێشمه‌رگه‌ي ژي چو تۆلڤه‌كرن ژێ نه‌كرن. ژ به‌ر ڤان هه‌لويستێن چاك يێن پێشمه‌رگه‌ي و هنده‌كێن ديتر، ئێدي پێشمه‌رگه بوو جهێ رێزلێنانا جيهانێ هه‌ميێ كو ب له‌ز ب چه‌كێ پێشكه‌فتي پرچككر و پشته‌ڤانيا وێ كر، هێشتا ژي عه‌ره‌بێن عيراقي ژ سونه و شيعه ب تنێ ئه‌و ماينه ئينكارا زيره‌كي و ئازاتيا پێشمه‌رگه‌ي دكه‌ن، چونكو سونه‌يان داخوازا پاشخستنا شه‌رێ دژي داعشێ كرن، داعشا كوردان و هه‌مي مرۆڤاتيێ ژناڤ دبه‌ت و حوكمه‌تا شيعي ل به‌غدا ژي هێشتا يا دابرينێ ل سه‌ر مه‌زاختنا مووچه‌يێن پێشمه‌رگه‌ي و ژ چه‌ككرنێ دكه‌ت.
و:ئه‌ڤرۆ
