ئه‌رێ قه‌یرانن هه‌رێمێ قه‌یرانن پارتی بتنێ نه ؟
پشتی په‌سه‌ندكرنا ده‌ستورێ عیراقێ لسالا 2005 و قه‌یران لدووڤ قه‌یرانێ دنافبه‌را هه‌رێمێ و به‌غدا دروست بوون لوی ده‌می تا هه‌لبژارتنن سالا 2014 هه‌رده‌م پارتی دهاته گونه‌هبا ركرن كو ئه‌و ئه‌گه‌رێ دروستكرنا كێشایه دگه‌ل به‌غدا و چونكی سه‌رۆكێ حكومه‌تێ پارتی بوو و سه‌رۆكێ هه‌رێمێ سه‌رۆكێ پارتی یه هه‌رده‌م بارێ گران و رێ خوشكرن بوَ چاره‌كرنا كیئشا بارا پارتی بوو !! لێ پشتی دامه‌زراندنا حكومه‌تا بنكه فره‌وان لهه‌رێمێ و هه‌موو پارت تێدا به‌شدار بووین هه‌رێمێ توشی شه‌ره‌كێ نه چاڤه‌رێكری هات لگه‌ل داعش ئه‌ڤه سه‌ره‌رایی قه‌یرانا دارایی و سیاسی دگه‌ل به‌غدا هه‌رێمی توشی قه‌یرانه‌كا گه‌له‌ك مازنتر بوو ئه‌و ژی هاتنه ئه‌ڤێ رێژا زوَر یا ئاوارا بوو هه‌رێمێ هه‌ر دیسا پشكا مازن یابه‌رپسیاره‌تیێ و بارێ گران بوَ پارتی بوو !! زوَربه‌یی حزبێن به‌شدا دحكومه‌تێدا ب هیچ ره‌نگه‌كی د هاریكار نین چنكو چاره‌ك بوَ قه‌یرانا بێته دیتن و خه‌لكێ رازیكه‌ن كو ماوێ قه‌یرانا یێ كورته و د چاره بن به‌لكو لراگه‌هاندنا خوه هه‌ر چ بابه‌ت هه‌یه د ئازرینن دژی پارتی و بوَ خه‌لكی دیار دكه‌ن كو پارتی ئه‌گه‌رێ دروستبونا قه‌یرانایه و هۆسا دده‌نه خویاكرن هه‌ر وه‌كی ئه‌ڤ لایه‌نه نه دبه‌شدارن دحكومه‌تێدا و ئوَپزسیونن !! تا گه‌هشتیه وی راده‌یی كو خه‌لك بخوه ژی هۆسا هزردكه‌ت كو پارتی بتنێ به‌رپسیاره ژ قه‌یرانا !! به‌لێ د بێژین مخابن سه‌ره‌رایی چه‌ندین قه‌یران لسه‌ر حكومه‌تا مه ده‌رباز بوون به‌لێ بدروستی نه هاتنه چاره‌كرن به‌لكه بتنێ د هاتنه پاشئێخستن له‌ورا هه‌ر ده‌م بوَ ده‌می ئه‌ڤ قه‌یرانه دووباره سه‌رهلده‌ن و بتنێ و بتنێ پارتی باجا ڤان كێشه و قه‌یرانا دده‌ت !! لایه‌نن دی بده‌لیڤه دیتیه رێكخستنێت خوه بهێز بێخێن و كار لسه‌ر دكه‌ن دڤان كاودانادا چونكو دزانن دلێ خه‌لكی یێ ژ پارتی مایی !! دووباره دبێژین مخابن كو بڤی ره‌نگی هزر دهێته كرن و ئه‌ڤ لایه‌نه كار لسه‌ر دكه‌ن بوَ به‌رژه‌وه‌ندیێت خوه یێت حزبی! فه‌ره هه‌ر زوو جڤاتا وه‌زیران روینشتنه‌كا بله‌ز ئه‌نجام بده‌ت و چه‌ندین بریار و رێنمایان ین تایبه‌ت بڤی بارودوخی ڤه ده‌ركه‌ت و هه‌موو لایه‌ن لسه‌ر هندێ رێكه‌ڤن كو پێكڤه كاركه‌ن و كه‌س موزایه‌دا لسه‌ر چ لایه‌نا نه‌كه‌ت چونكو چه‌ندین ئاسته‌نگ و كێشێن مازنتر لپێشیا ڤی ملله‌تینه، دڤێت ده‌ربازكه‌ن دا بگه‌هنه ئارمانجا !! ئه‌گه‌ر نه ئێدی ئه‌ڤ قه‌یرانه دێ زاڵبن لسه‌ر كوَمه‌لگه‌هێ كوردی و د ژ چارچوَڤێ خوه ده‌ركه‌ڤن و ئێدی نائینه كوَنتروَلكرن و كورد دبنه پاریه‌كێ زۆرێ بسه‌ناهی بوَ دوژمنان كو هه‌موو كار و خه‌ونێن وی ژناڤ ببه‌ن و بلا ئه‌م بزانین زوَر ژ ڤان قه‌یرانا د چێكرینه و راسته‌وخوَ و نه‌راسته‌وخوَ دوژمنێن دوَزا كوردی پشته‌ڤانیێ لێدكه‌ن بوَ ژناڤبرنا بیروَكا دامه‌زراندنا ده‌وله‌تا كوردی و ژناڤبرنا ده‌ستكه‌فتان و دروستكرنا كێشا دمالا كوردیدا بهه‌موو ره‌نگا!! له‌ورا دڤێت هه‌ر زوو ئه‌ڤ قه‌یرانه بهێنه چاره‌كرن داكو زێده‌تر قه‌یران قوَل نه‌بن و خه‌باتا چه‌نده‌ها سالا به‌ره‌ڤ ژناڤ چوونێ نه‌چیت !!
