ڕاست دبێژیت!

راست دبێژیت ده‌‌مێ گوتی: تشته‌كێ ده‌‌رونی یه‌‌ خه‌‌لكێ مه‌‌ لسه‌را پانزینێ دبنه‌‌ رێز. ئه‌م دینین و مه‌‌ ئێشێن ده‌‌رونی یێن هه‌‌ین! ئه‌‌رێ بخودێ هنگو ئه‌‌م دین كرین، هنگو ئه‌‌م هار كرین، هنگو ئه‌‌م چنه‌‌ كرین، (هنگو) هه‌موو تشت بسه‌‌رێ مه‌ هینا و مه‌ هه‌می بچاڤێن خوه‌‌ دیتن، ئه‌‌م نه‌‌تنێ نه‌خوشێن ده‌‌رونینه‌ هه‌‌ر ئێك ژ خهه‌لكێ پارێزگه‌‌هێ 3 هه‌تا 4 علله‌تا ژی یێن لێ!. لدوویڤ خواندنه‌كا خوه‌‌ یا ده‌‌رونی كو من ل وه‌لاتێ نه‌رویج یاخواندی ، حه‌‌ز دكه‌‌م بكورتی لسه‌‌ر ئه‌‌گه‌‌ره‌كێ بنڤیسم كا بوَچی ئه‌‌م توشی نه‌خوشیێن ده‌رونی دبین!؟ نه‌‌خوشیێن ده‌رونی گه‌‌له‌ك جوَرن، ژ ئه‌‌گه‌را رویدانه‌‌كا عه‌مه‌لی ئانكو ژ ئه‌‌گه‌‌را كریاره‌كا (كریاری) دبیت مرۆڤ توَشی جوَره‌‌كێ نه‌خوَشیێن ده‌رونی بیت. ئه‌‌م خه‌‌لكێ پارێزگه‌هێ بوَچی هه‌موو ده‌‌ما وه‌‌كی مێریا قویتی و گه‌‌نمی و برنجی ل مالێن خوه‌ كوَم دكه‌‌ین؟ بوَچی ئه‌‌م ترۆمبێلێن خوه‌‌ دكه‌‌ینه‌ رێز؟ یان رادبینه‌ ئێك و بێك و دوو داده‌‌ین به‌‌لكو سهه‌را قنینه‌كێ غازێ یان 10 لیترێن پانزینێ یان. .. ژبه‌‌ركو ژیانا مه‌ هه‌ر ژدایك بوونێ تا مرنێ د قه‌‌یرانادا و شه‌‌رادا یا بووری هه‌ر ژ باپیری و بابێ و ژمه‌ و زارۆكین مه‌ ژی هه‌‌ر قه‌یرانا (ئاڤێ، وگازێ و كاره‌‌بێ، خوارنێ، پارهه‌ی، و سه‌د تشتێن دی، بوو.. راپوَرت و دوویڤچوونێن ساخله‌می یێن جیهانی گه‌هشتنه‌‌ وێ باوه‌‌ریێ كو (سترێس) دبیته‌ ئه‌‌گه‌را نه‌خوشیێن په‌‌نجه‌ شێرێ و خه‌‌م و قه‌‌هر ژی دلی و مه‌ژی سه‌‌قه‌ت دكه‌‌ت. لێ ئه‌‌م دبێ مننه‌‌تین نوَژدار و نه‌خوَشخانێن مه‌ هه‌‌ین دكاریت قه‌‌یرانا نه‌خوَشیا چاره‌‌بكه‌ت!. ئه‌‌گه‌‌ر خه‌‌لكێ پارێزگه‌‌هێ دیتبا كو حكومه‌تێ یه‌ده‌كه‌كێ به‌‌رهه‌‌ڤكری، یێ هه‌‌لگرتی ئه‌‌و ژی نه‌‌دبوونه‌‌ رێز لبه‌‌ردهه‌رگه‌هێن پانزینخانا. باشه‌ ما بوَچی لسه‌ربانێ هه‌‌رماله‌كا پارێزگه‌هێ 7 تا 8 تانكێت ئاڤێ لێ هه‌‌نه‌‌؟ژبه‌‌ركو ئه‌‌م هزرا وان روَژا دكه‌‌ین ئه‌‌ڤێن ئاڤ نه‌هێت. هه‌‌ما پارێزگه‌‌ه ژی بلا ڤێ نموونێ بۆ خوه‌ بكه‌‌ته‌‌ پرۆژه‌‌. خه‌لكێ پارێزگه‌‌هێ بێ پاره‌‌، كاره‌‌ب،پانزین، ئاڤ،زگ ئێش چه‌‌وا توَشی نه‌‌خوَشیێن ده‌‌رونی نه‌‌بیت؟. بیرا (هنگو) ب وێ به‌‌رمیلا درێژ دهێت ئه‌‌ڤا ل قه‌یرانا پانزینا بووری؟ كانێ یه‌ و بوَچی نه‌‌كه‌‌ته‌‌ كاری؟ ما هه‌‌كه‌‌ ئه‌‌وێ پانزین بۆ مه‌ چێكربا و پاقژكربا ئه‌‌ڤرۆ قه‌‌یران دووباره‌ نه‌دبوو. سالا پار حكومه‌تێ گوته‌ خه‌‌لكێ پارێزگه‌‌هێ ئه‌‌م دێ كار‌بێ فرۆشینه‌‌ وه‌‌ڵاتێن جیران سالا بهێت ڤه‌‌گه‌‌ریا و قه‌‌یران هه‌‌ر ئه‌‌وه‌! دبێژنه‌ ڤان سوَزا ( ده‌‌رمانێن بێهوَشكرنێ)! ئانكو ب سوَزێن ڤاڵا و بێ پلان سالانه‌‌ خه‌‌لكێ خوه‌‌ پێ بێهوَش دكه‌‌ن خوه‌‌ پێ ده‌‌ربازدكه‌‌ن دهلبژارتنێت كارتونی دا! نوكه‌‌ ئه‌‌ز بخوه‌‌ حه‌‌سیام ده‌‌مێ من بجلێن كوردی خوه‌‌ كریه‌ رێز ل ه‌لبژارتنادا كو ئه‌‌ز و ئه‌‌و خه‌‌لهك ژ ئه‌‌گه‌رێ (ئێشه‌‌كا ده‌رونی) مه‌ ده‌نگدانا هنگو دكرن. ده‌‌مێ قه‌‌یران چێدبن ل وه‌‌لاتێن جیهانێ به‌رپرسێن وان ژ شه‌‌رماندا كورسیكێن خوه‌‌ به‌‌رده‌‌ن! یێن مه‌ژی دێ وه‌‌كهه‌ن ژبه‌‌ركو قه‌یرانێن مه‌ ژ شه‌‌رم و عه‌یبا بووری. دڤێت خه‌‌لكێ مه‌ ژ سه‌‌رخاترا پێشمه‌رگه‌ی ئه‌‌ڤ جاره‌‌ ژی بێهنا خوه‌‌ فرهه‌بكه‌‌ن و ناڤێ خودێ بینن ره‌‌مه‌زانه‌ و‌ قه‌‌سپا بخوَن و به‌‌ركێن وان بهێرن ده‌‌رمانێ سه‌‌برێ یه‌. بلا پیچه‌‌كا خیزی د ئاڤێدا بیت ئه‌‌و ئاسنه‌‌ بوَ له‌‌شی باشهه‌! برێڤه‌ هه‌رن له‌‌ش ساخیه‌ و وه‌‌رزشه‌! ترۆمبێلا نه‌‌هاژوَن دێ ژینگه‌‌ه پیس دبیت! مازنا ژی یێ گوتی: خودانێ بێهنێ به‌‌،میر به‌‌ ل مصرێ به‌! ئانكو ساله‌كا دی خودێ حه‌‌زبكه‌‌ت دێ ل هوَتێله‌‌كا 5 ستێری بی ل مصرێ. ئه‌‌و گییایێن هنگو ژی حشك كرین بخوَن هه‌تا خودێ ده‌‌رگه‌‌هه‌كی ڤه‌‌دكه‌ت. خودێ سلامه‌تیێ بده‌‌ته‌ ملله‌‌تێ مه‌ یێ نه‌‌ساخ و شێت.

کۆمێنتا تە