زوو بڕیارێ ددەم

ئه‌ڤرۆ نيوز:

کچەکا ٢٤ سالی کو زانکو بدوماھیک ئینایە دلێ خوە بۆ رۆژناما ئەڤرۆ ڤەدکەت و دبێژیت: ئەڤە سالەکە ئەڤ ئاریشە یا لنک من پەیدا بوی کو ئەز ل سەر تشتا گەلەک زوو بڕیارێ ددەم و نەیا بێن فرەھم کو ھزر د تشتی دا بکەم پاش بریارێ ل سەر بدەم لەوا پەشیمان دبم چونکو نە د جھێ خوە دانە، فەشەلێ دئینم ژ بەر ھندێ ئەزا ژ خوە نەرازیمە بۆ زانین ئەز بەری نھا یا وەسا نەبووم و گەلەک ب ھەدار بووم ھەر چەندە ئەڤ تشێن ئەز زوو بڕیارێ ل سەر ددەم نە ھند د گرنگن و چ کاریگەریێن وەسا ل سەر کەساتیا من ناکەن ب تنێ ئەز ژ لایێ دەروونی ڤە نە ئارام دبم ھزر و د پاشەرۆژا خوە دا دکەم و دترسم ب تایبەت ژ ھەلبژارتنا ھەڤژینیێ نەکە ھەر لەزێ بکەم و پەشیمان ببم، ئەڤجا ئەز چ بکەم؟
کچا ھێژا:
ھندەک جورێن کەسا ھەنە کو دبێژنێ ئیندفاعی کو زوو بڕیارا وەردگرن بێ خواندنا تێروتەسەل بۆ بابەتی لەوما پرانیا جارا بەرسڤ و بڕیار د شاشن و د دووڤدا پەشیمانی دھێت و گەلەک جاران ئاریشا ل دووڤ خوە دھێلن و ئەو ژی ژ ئەگەرێ دو فاکتەرایە کو ئێک ژ وان نەتێگەھشتنا کەسی یە کو بێ گومان تو دووری ژ وێ چەندێ ژ بەر کو تە خواندنا زانکۆیێ ب دووماھی ئینایە و بزانە دەمێ ھەرکەس بگەھتێ خودان بیرتیژیەکا نورمال و بلندترە ویێ دویێ ژ ئەگەرا شێوازێ پەروەردەکرنێ یە و مخابن گەلەک جارا کێم و کاسی د شیوازێن خەلکێ مە دا ھەنە ئەڤجا تو و گەلەک گەنجێن مە کوڕ و کچ قوربانیێن وی شێوازی نە کو یابوویە ھەبت (عەدەت) ل دەف تە و ھشیار بە خوە تووشی ئارێشێن خراب نەکەی.
دا مروڤ ژڤێ رەفتاری رزگار بیت پێدڤیە ھندەک پێگاڤا ب ھاڤێژیت و راھێنانا ل سەر پرۆگرامەکی بکەت و بۆ ماوەکێ باش ژ بەر کو دا مروڤ ل جھێ رەفتارێ گومانلێکری رەفتارەکا دی دانیت دڤێت رەفتارا نوو گەلەک دووبارە بیت ھەتا ل جھی وی بمینیت و بزانە پرانیا رەفتارا ژ ئەگەرێ راھێنانێ و دووبارەکرنێ یە ئەڤجا تو ب خوە کارەکی بکەی بەری دیتن دانێ ل سەر ھەر بابەتەکی ژ وانا ھژمارتنا ژمارا ژ (١٠١ ھەتا ١١٠) و د وی دەمی دا ھەمی لایێن بابەتی ببینە و باشترە نەبڕیار بیت بەلکو بێژی ب دیتنا من و دبیت ئەزا دروست بم و دبیت نە و ئەڤێ رەفتارێ راھێنانێ ل سەر بکە رۆژانە و ھەتا دبیتە عەدەتەک ل دەف تە و تو د کاری مفای ژ نوشدار و تایبەتمەندێن دەروونی وەربگری و بزانە نە کارەکێ نورمالە پشکداری د خولێن دەروونی دا ل سەر ڤان بابەتان.

پۆ په‌يوه‌نديكرنێ ب گۆشا دلێ خوه‌ ڤه‌كه‌ په‌يوه‌نديێ ب ڤێ ژمارا تله‌فۆنێ بكه‌: 07503404123

کۆمێنتا تە