پلا گه‌رمێ به‌رهه‌مێ گندورى و باجانكا سور ل شێخان سوتینه
شێخان،بارزان مزوورى
جه‌مال زوبێر، به‌رپرسێ به‌شێ باخدار ل هوبا چاندنا قه‌سروك بو روژناما ئه‌ڤرو دیار كر كو ژبه‌ر به‌رز بونا پلا گه‌رمێ گه‌هشتبو 45 پله ل روژێن جه‌ژنێ دا ل ده‌ڤه‌را شێخان زیان گه‌هاندینه وان به‌رهه‌مێن نازك وه‌ك گندور و باجانكێن سور , ئه‌ڤ به‌رهه‌مه ئه‌گه‌ر پلا گه‌رمێ 38 fبوریت دێ زیانێ گه‌هیتێ چونكو دبیته هوكاره‌ك بو هاتنا نه‌خوشیا ئاگروكى بو وان به‌رهه‌ما , رێژا ئاڤێ دناڤ به‌لگێ وان دا یا زوره ده‌مێ پلا گه‌رمێ دگه‌هیته 45 زى ب زى ئه‌ڤ ئاڤه هشك بیت و دبیته ئه‌گه‌رێ سوتنا وان .
ژلایه‌كێ دى ڤه سلێمان ئه‌مین ، جوتیاره‌ك ل ده‌ڤه‌را ئه‌تروش بو روژناما ئه‌ڤرو دیار كر كو د وان روژێن جه‌ژنێ دا ژبه‌ر به‌رزیا پلا گه‌رمێ به‌رهه‌مێ وان چاندى گندور و باجا نكا سور سوتینه و گندور د بنێ ڤه گه‌هشتیه بنا وێ سوتیه و باجانكا سور ب ئیكجارى سوتینه.