پلێن گه‌رمێ دێ هێنه خوار
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزا هه‌رێمێ راگه‌هاند كو بڕياره سوبه‌هى رۆژا سێشه‌مبى پلێن گه‌رمێ بهێنه خوار.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن نزمێن گه‌رما سالانه بۆ سه‌ر هه‌رێما كوردستانێ بڕياره د 48 ده‌مژمێرێن بهێت دا پلێن گه‌رمێ بهێنه خوار.
پشكا پێشبينيان دايه زانين ژى كو دهێته پێشبينيكرن بلندترين پلێن گه‌رمێ يێن پارێزگه‌هێن هه‌رێمێ ب ڤى ره‌نگى بن: دهۆك 40 پله و سلێمانى 42 پله و هه‌ولێر 43 پله و كه‌ركووك 44 پله.
