ب وێنه: كه‌سه‌كى گيانێ خوه ژ ده‌ست دا و دو بريندار بوون
ئه‌ڤرۆ نيوز، بارزان مزوورى:
پێشه‌نگێ هاتنوچوونێ به‌درخان محه‌مه‌د سه‌ليم، به‌رپرسێ پشكا هاتنوچوونێ ل قه‌زا شێخان بۆ ئه‌ڤرۆ نيوز ئاشكه‌را كر كو ل ل ده‌مژمێر 11:30 ده‌قيقه‌ى شه‌ڤا بۆرى رێكه‌فتى 20ى ئيلۆنا 2015ێ ل سه‌ر رێيا سه‌ره‌كى يا دهۆك بۆ باعه‌درێ ل نێزيك سه‌نته‌رێ باژێرێ باعه‌درێ روودانه‌ك د ناڤبه‌را ترۆمبێله‌كا پيكئاپ نيسان و ترۆمبێله‌كا تايبه‌ت ژ جۆرێ چارچ دا روودا.
زێده‌تر گۆت: “ژ ئه‌نجامێ ڤێ روودانێ كه‌سه‌كى گيانێ خوه ژ ده‌ست دا و دو كه‌س ژى بريندار بوون و بۆ نه‌خۆشخانا شێخان هاتنه ڤه‌گوهاستن”.
ناڤبرى دياركر ژى كو ئه‌ڤ روودانه ژ ئه‌گه‌رێ پێگرينه‌كرن ب رێنمايان و ب كارئينانا له‌زێ په‌يدابوويه و هيڤى ژ شوفێران خواست كو پێگريێ ب رێنمايێن هاتنوچوونێ بكه‌ن و له‌زێ ب كار نه‌ئينن.
