جڤاتا وه‌زیرێن عیراقێ پرۆژه بودجه‌یێ سالا 2016 په‌سه‌ند كر
ئه‌ڤرۆ نیوز:
نڤیسینگه‌ها راگه‌هاندنا سه‌رۆك وه‌زیرێن عیراقێ د به‌یاننامه‌كێ دا راگه‌هاند كو ئه‌ڤرۆ جڤاتا وه‌زیرێن عیراقێ د روونشتنا خوه یا نه‌ئاسایى دا، پرۆژه بودجه‌یێ سالا 2016 په‌سه‌ند كر و بریار دا ره‌وانه‌ى په‌رله‌مانێ عیراقى بكه‌ت.
وه‌زاره‌تا داراییا عیراقێ دیاركریه كو رێژا كورتهێنانێ د سالا پار دا، پیچه‌ك زێده‌تر ب رێژا 1.5% هه‌روه‌سا كوژمێ داهاتى ل سه‌ر بنه‌مایێ 45 دولاران بۆ هه‌ر به‌رمیله‌كا نه‌فتێ دیاركریه.
فازل نه‌بى بریكارێ وه‌زاره‌تا داراییا عیراقێ راگه‌هاندبوو كو پشكا هه‌رێما كوردستانێ ب رێژا 17% هاتیه دیاركرن و دڤێت هه‌رێم رۆژانه 550 هزار به‌رمیلێن راده‌ستى به‌غدا بكه‌ت.
