دەزگەھێ بارزان قوتابخانەک ل سلێمانیێ درۆستکر
ئەڤرۆ نیوز ، نەوزاد زادە ھلوری:
د درێژاھیا چالاکیێن خودا دەزگەھێ خێرخوازیێ بارزانی ب ھەڤکاریا رێکخراوا LDS قوتابخانەیەکا ١٢ رێزی بوو کەمپەکا ئاوارەیان ل پارێزگەھا سلێمانیێ درۆستکر.
دڤی واریدا ئیبراھیم سەمین بەرپرسێ راگەیاندنا دەزگەھێ خێرخوازیێ بارزانی بو ئەڤرۆ نیوز گۆت: “ب مەرەما خزمەتکرنا ئاوارەیان و بێ بەھر نەبوونا قوتابیێن ئاوارە ژ خواندنێ دەزگەھێ مە ب ھەڤکاریا رێکخراوا LDS یا ئەمریکی مە قوتابخانەیەکا ١٢ رێزی ل کەمپا ئاشتیا سلێمانیێ بناڤێ قوتابخانا پێکڤە ژیان ڤەکر”.
زێدەتر گۆت: “ئەڤ قوتابخانە ب کوژمێ ١٩٠ ھزار دولاران ھاتیە چێکرن و ئەڤ سالە ژی دەوام دێ تێدا ھێتەکرن”.
دەزگەھێ بازانی سالانە د پرۆژەیەکێ خێرخوازیێ بەرفرەھدا چەندان ھەڤکاریێن جودا جودا د وارێ پەروەردەیی دا پێشکێش دکەت.
