چو پێشمه‌رگه‌یێن گۆڕان نه‌هاتینه ده‌ركرن
ئه‌ڤرۆ نیۆز، قائید میرۆ
لیژنا پێشمه‌رگه‌ی ل په‌رله‌مانێ كوردستانێ ره‌تكر چو پێشمه‌رگه و ئه‌فسه‌ره‌كێ بزاڤا گۆڕان ل وه‌زاره‌تا پێشمه‌رگه لسه‌ر ئینتیما سیاسی هاتبیته ده‌ركرن.
به‌هار عه‌بدولڕه‌حمان، بڕیارده‌را لیژنا پێشمه‌رگه‌ی ل په‌رله‌مانێ كوردستانێ ب ئه‌ڤرۆ نیۆز راگه‌هاند” پشتی به‌لافبوونا نوچه‌یێ نانبڕینا هژماره‌ك پێشمه‌رگه‌یێن سه‌ر ب بزاڤا گۆڕان، مه سه‌ره‌دانا ناحیا به‌حركێ كر و ل وه‌زاره‌تا پێشمه‌رگه‌ی دوڤچوونا ئه‌ڤێ پرسێ كر و ده‌ركه‌فت چو فه‌رمانێن فه‌رمی نینه بۆ هنارتنه‌ڤا ئه‌ڤان پێشمه‌رگه و ئه‌فسه‌رێن گۆڕان.
به‌هارێ گۆتژی” ئه‌فسه‌رێن سه‌ر ب بزاڤا گۆڕان بخوه داخوازا مۆهله‌تێ كریه وچووینه‌ڤه، تنێ هژماره‌ك پێشمه‌رگه ژلایێ فه‌رماندێن وانڤه هاتبوونه ئاگه‌هداركرن نه‌چنه ده‌وامێ، به‌لێ پشتی سه‌ره‌دانا مه هه‌موو هاتینه ڤه‌گه‌ڕاندن و چو ئاریشه نه‌ماینه.
