ل رۆژئاڤایێ كه‌ركووكێ چه‌ند داعش دهێنه كوشتن
ئه‌ڤرۆ نیۆز، قائید میرۆ
فه‌رماندێ میحوه‌رێ رۆژئاڤایێ كه‌ركووكێ ئاشكراكر، هه‌ڤپه‌یمانان كارگه‌هه‌كا بۆمبڕێژكرنا تڕۆمبێلێن داعش كریه ئارمانج و هژماره‌كا زۆرا تیرۆرستان هاتینه كوشتن.
د.كه‌مال كه‌ركووكی، فه‌رماندێ میحوه‌رێ رۆژئاڤایێ كه‌ركووكێ ب ئه‌ڤرۆ نیۆز راگه‌هاند” پشتی بده‌ستڤه ئینانا زانیاریان شه‌ڤا بۆری فڕۆكه‌یێن هه‌ڤپه‌یمانان كارگه‌هه‌كا بۆمبڕێژكرنا ترۆمبێلێن داعش كره ئارمانج ل نێزیك ناحیا ریاز و د ئه‌نجامدا ژبلی كوشتنا هژماره‌ك چه‌كدارێن داعش زیانێن ماددی گه‌هشتن ئه‌ڤێ كارگه‌ها تیرۆرستان.
كه‌ركووكی دیاركر” ل نێزیكی گوندێ بوتمه یێ رۆژئاڤایێ كه‌ركووكێ وی ده‌می چه‌كدارێن داعش مژۆلی چاندنا بۆمبان بووینه بۆمبه‌ك ب تیرۆرستانڤه ته‌قی و هژماره‌ك چه‌كدارێن داعش هاتنه كوشتن.
