دا ئێدى ياريێن فه‌يسبۆكى ته بێزا نه‌كه‌ن
ئه‌ڤرۆ نيوز:
گه‌له‌ك كه‌س بێزاريا خوه ژ تۆڕێن جڤاكى دياركر دكه‌ن ژ به‌ر وان هه‌موو داخوازيێن ياريان يێن بۆ وان دهێن ژ لايێ هه‌ڤالێن وان ڤه ئه‌وێن حه‌زا وان ياريان هه‌ين، ژ به‌ر ڤێ چه‌ندێ ژى رێڤه‌بريا فه‌يسبۆكى هزر د تايبه‌تمه‌نديه‌كا نوو دا كر دا كو ژ وان داخوازيا رزگار بن.
مارك زۆكربيرگ، رێڤه‌به‌رێ كارگێرى يێ مالپه‌رێ فه‌يسبۆكى د ماوێ روونشتنا به‌رسڤ و پرسياران دا ئه‌وا ل په‌يمانگه‌ها هندى يا ته‌كنۆلۆژيايێ ل هندێ هاتيه گيران دا گۆت: “كۆمپانى يا كار ژ بوو رێيه‌كێ دكه‌ت ب كارئينه‌رێن فه‌يسبۆكى بشێن خوه ژ ڤان نامه و داخوازيێن بارگرانيێ دروست دكه‌ن بده‌نه پاش”.
ئاماژه ب وێ چه‌ندێ ژى كر گه‌له‌ك سكالا ل سه‌ر وێ چه‌ندێ يێن بۆ وان چووين، ژ به‌ر هندێ ژى ئه‌و كار ل سه‌ر وێ خزمه‌تا نوو دكه‌ن دا كو ڤێ كێشێ نه‌هێلن و گۆت: “هه‌كه ئه‌و حه‌ز ژ هنده‌ك ياريان نه‌كه‌ن كۆمپانى دشێت ب ئێكجارى بگريت يان ژى رێيه‌كێ ل هه‌مبه‌ر ره‌تكرنێ بگريت”.