داوی گۆتنا پارێزه‌رێ كورد یێ ناڤدار به‌ری بهێته تیرۆركرن
ئه‌ڤرۆ نیوز: ڤه‌ده‌ر ره‌شاڤایی:
ئه‌ڤرۆ 28 چریا دوویێ ل ئامه‌دێ ئێك ژ به‌رچاڤترین به‌ره‌ڤانێ مافێن كوردان ل توركیا و سه‌رۆكێ سه‌ندیكا پارێزه‌رێن ئامه‌دێ و پارێزه‌رێ ناڤدار یێ كورد تاهر ئێلچی هاته تیرۆركرن.
تاهر ئێلچی ل باژێرێ ئامه‌دێ ل باكۆرێ كوردستانێ كۆنگره‌كێ رۆژنامه‌ڤانی لدۆر پشته‌ڤانیكرنێ بۆ ئاشتیێ ل توركیا پێشكێشدكر، ل ده‌مێ ژ ئالیێ كه‌سه‌كێ نه‌نیاس ڤه ته‌قه ل پشتا سه‌رێ وی هاتیه كرن و هاتیه تیرۆركرن.
داوی په‌یڤێن ناڤهاتی به‌ری بهێته تیرۆركرن ئه‌ڤه بوون: مه تڤه‌نگ و شه‌رۆ په‌ڤچوون نه‌ڤێن..”
پشتی تیرۆركرنا وی كارڤه‌دانێن خه‌مبار و مه‌نده‌هۆشیێ یێن چالاكڤانێن مافێن مرۆڤی لسه‌رانسه‌ری جیهانێ ده‌ستپێكرینه.
