ڤه‌كۆلینه‌كا نوو: هه‌كه‌ر ته دڤێت یێ دلشاد بی تۆرێن جڤاكی بهێله
ئه‌ڤرۆ نیوز: له‌يلان جاسم:
ڤه‌كۆلینه‌كا زانستی یا نوو كو ژ ئالیێ په‌یمانگه‌ها كۆپنهاگن بۆ لێكۆلینێن دلشادیێ ڤه هاتیه كرن، ئاشكرا دكه‌ت كو هێلان و بكارنه‌ئینانا تۆرێن جڤاكی مرۆڤی كه‌یفخۆشتر لێ دكه‌ت و سه‌لماندییه كو ساخله‌مییا مرۆڤی باشتر لێدكه‌ت.
هه‌كه‌ر ته هنده‌ك جار هه‌ست پێكربیت فه‌یسبۆك یان تۆرێن دی یێن جڤاكی ته بێ گێول دكه‌ن، ئه‌و بزانه هه‌ستێن ته د جهێ خۆدانه، ژبه‌ركو گه‌له‌ك لێكۆلینان دا دیاربوویه تۆرێن جڤاكی رازیبوونێ بژیانێ كێم دكه‌ت و هه‌ستێ حه‌سیدی و بتنێبوونێ ژی زێده دكه‌ت.
لێكۆله‌ران ژ هزار و 95 بكارئینه‌رێن فه‌یسبۆكی یێن دانیماركی خاستیه بۆ ده‌مێ حه‌فتیه‌كێ ب چ شێوه‌كی فه‌یسبۆكی بكارنه‌ئینن، دیاربوو كو یێن فه‌یسبۆك هێلاین برێژا 55% گڤاشا ده‌رۆنی لسه‌ر وان كێم بوویه و دلشاد تر و كێم تۆره تر و ب گێول ترن و خۆشیێ پتر ب ژیانا خوه برییه و پتر ب ره‌وشا ژیانا خوه یا جڤاكی رازیبووینه و په‌یوه‌ندیێن خوه یێن جڤاكی باشتر كرینه.
لێ گه‌له‌ك كه‌س ب زه‌حمه‌ت دبینن تۆرێن جڤاكی بجهبهێلن ژبه‌ركو گه‌له‌ك چالاكیێن رۆژانه یێن جۆراوجۆر تێدا دهێنه كرن و نیشاندان، ئه‌و لێكۆله‌ر نها مژیلی لێكۆلینان لسه‌ر ده‌مێ پتر ژ حه‌فتیه‌كێ یا بجههێلانا تۆرێن جڤاكی دكه‌ن.