كوردهك ژ بهغدا دچیت و ل ئهمریكا 6 ملیۆن دۆلاران وهردگریت
ئهڤرۆ نیوز: ڤهدهر رهشاڤایی:
میدیا ناڤخۆ ل ویلایهتا ئوریگون ل رۆژئاڤا ئهمریكا بهلاڤكر كو كوردهكێ خهلكێ بهغدا پلێتا خوه دگهل خوه ههلگرت و گههشته بنگههێ پشككێشانا بهختی ل ناوچا (سهیلم) ل ویلایهتا (ئۆریگۆن) بمهرهما وهرگرتنا 6.4 ملیۆن دۆلارێن خوه پشتی پلێتا وی وهك پلێتا سهركهفتی دهرچووی.
ڤی كهسی ل ئێكێ ڤێ مههێ ل ئهمریكا لژنا پشككێشانێ رازیكر ناڤێ وی ئاشكرا نهكهن ژبهركو ههكهر خهلكێ بهغدا بزانن وی ئهڤ كوژمێ پاران یێن ههی دێ خێزانا وی كهڤیته مهترسییا رهڤاندنێ دا بهرامبهر وهرگرتنا پاران.
ئهڤ كهسێ ناڤێ وی نههاتییه زانین وهسا خویاكرییه كو وی پلێتا سهركهفتنێ ژ مالپهرێ (thelotter.com) لسهر ئینتهرنێتێ كڕییه.
ههرچهنده پشككێشانا ئۆریگۆن پلێتان لسهر ئینتهرنێتێ نافرۆشیت، لێ هندهك كهس پشتی دكرن لسهر ئینتهرنێتێ دفرۆشنهڤه، لدووڤ گۆتنا جاك رۆبهرتز رێڤهبهرێ پشكێشانا بهختی يا ئۆریگۆن (Oregon Lottery) ئهڤه تشتهكێ دروسته و وی كهسی چ شاشی نهكرینه لهورا وان خهلاتێ وی دایێ.
تێ زانین ژبهر قانوونێن ئهمریكا ئهو كهسێ كورد دڤێت باجێن وی پارهی بدهت كو چێدبیت پشتی دانا ههمی باجان بتنێ 3 ملیۆن دۆلار بۆ بمینن.
