ل ناوه‌ران ژى داعش هێرش كره سه‌ر پێشمه‌رگه‌ى
ئه‌ڤرۆ نيوز، ئۆمێد وه‌لاتى:
فه‌رمانده‌يا هێزێن پشته‌ڤانيا ئێك راگه‌هاند كو چه‌كدارێن داعش هێرشه‌كا به‌رفره‌هـ كره سه‌ر هێزێن پێشمه‌رگه‌ى ل ناوه‌ران، به‌لێ ژ لايێ پێشمه‌رگه‌ى ڤه ب دژوارى به‌رسڤ لێ هاته دان.
فه‌رمانده‌يا هێزێن پشته‌ڤانيا ئێك ل په‌يجێ خوه يێ فه‌يسبۆكى به‌لاڤكريه كو ئه‌ڤرۆ رۆژا سێشه‌مبى رێكه‌فتى 16ى كانوونا ئێكێ يا 2015ێ چه‌كدارێن داعش هێرشه‌كا به‌فره‌هـ كره سه‌ر هێزێن پێشمه‌رگه‌ى ل ميحوه‌رێ ناوه‌ران.
زێده‌تر گۆت: “خۆشبه‌ختانه ژ لايێ پێشمه‌رگه‌ى ڤه ب دژوارى ڤه به‌رسڤا تيرۆرستان دا و دو ئه‌فسه‌ران كو ئێك سه‌ر ب هێزا تايبه‌ت يا ئێكه و يێ دژى سه‌ر ب فه‌رمانده‌يا هێزێن پێشته‌ڤانيا ئێكه شيان ب چه‌كێ ميلانۆ 12 ترۆمبێلێن تيرۆرستێن داعش ژ ناڤ ببه‌ن، كۆگه‌ها چه‌كى ژى يا چه‌كدارێن داعش يا هاتيه په‌قاندن”.
ئاماژه ب وێ چه‌ندێ ژى كريه كو د وێ هێرشێ دا پێشمه‌رگه‌ى چو شه‌هيد و بريندار نه‌بووينه و شه‌ر يێ به‌رده‌وامه، “به‌لێ ب مخابنى ڤه ل چيايێ زه‌ردكى پێشمه‌رگه‌ى زيانێن گيانى يێن هه‌ين”.