جارەکادی وان پۆستێن حکومی نادەینە گۆڕان
ئەڤرۆ نیوز:
ئەندامەکێ سەرکردایەتیا پارتی دیموکراتی کوردستان راگەھاند، ڕێککەفتن د ناڤبەرا پارتی و ئێکەتیێ دا یا گرنگە، لەوما ھەردو لایەن یێن گەھشتینە وێ باوەریێ کو پێدڤیە ڕێککەفتنەکا نوو بکەن.
ئەحمەد کانی ئەندامێ سەرکردایەتیا پارتی و بەرپرسێ پەیوەندیێن نیشتمانی و عیراقی یێن پارتی بۆ باسنیۆز گوت” ھیڤیدارین ڕێککەفتن د ناڤبەرا پارتی و ئێکەتیێ دا دروست ببیت و ئەم ھەردو لایەن د ھەڤڕانە کو بێ پارتی و ئێکەتی، کوردستان ب ڕیڤە ناچیت، بەلێ ڕامانا وێ ئەو نینە کو خەلکەکی دی ل گەل مە ھەڤپشک نەبن، مە باوەری ب وێ چەندێ یا ھەی کو ھەردو لایەن ڕێککەفتنەکێ بکەن، ئەڤجا ل بن ھەر ناڤەکی بیت”. دوپاتی ل سەر وێ چەندێ ژی کر کو پێدڤیە ھەکە خوە ڕێککەفتن ژی نەھێتە کرن، بەردەوامی ب ڕێککەفتنا ستراتیژی د ناڤبەرا ھەردو لایەنان دا بھێتە دان و ل گەل رەوشا نوکە یا ھەرێما کوردستانێ بھێتە گونجاندن.
ڤی ئەندامێ سەرکردایەتیا پارتی دیارکر ژی”ل دەمێ پێکئینانا حوکمەتێ دا، ل گەل ئێکەتی نیشتمانی کوردستان، ئارمانجا مە ئەو نینە چو لایەنەکی پشت گوە پاڤێژین، بەلێ ل دووڤ سەنگا وان دێ مافێ وان دەین”.
ل دۆر پۆستێن بزاڤا گۆڕان ژی، ئەحمەد کانی ئاشکراکر” جارەکادی وان پۆستان ب گۆڕان نادەین ئەوێن د پێکئینانا حوکمەتێ دا مە پێ داین”.