سوبه‌هى ته‌رمێن 17 كۆچبه‌ران دێ گه‌هنه هه‌رێمێ
ئه‌ڤرۆ نيوز:
بڕياره سوبه‌هى نيڤرۆ ته‌رمێ 15 قوربانيێن ئێزدى بگه‌هيته هه‌رێما كوردستانێ ئه‌وێن ل سه‌ر سنورێن يونان د ناڤ ئاڤێ دا خه‌ندقين.
خه‌يرى بۆزانى، رێڤه‌به‌رێ گشتيێ كاروبارێن ئێزدزيان ل سه‌ر په‌يجێ خوه يێ تۆڕا جڤاكيا فه‌يسبۆكى راگه‌هانديه: “سوبه‌هى 24ى كانوونا ئێكێ و ل ده‌مژمێر 13:15 و ب هه‌ڤكارى د ناڤبه‌را نڤيسينگه‌ها سه‌رۆك وه‌زيرێن هه‌رێمێ و وه‌زاره‌تا ژ ده‌رڤه يا عيراقێ، ته‌رمێ 15 قوربانيێن ئێزدى بگه‌هيته فرۆكخانا هه‌ولێر ئه‌وێن ل سه‌ر سنورێن يونان د ناڤ ئاڤێ دا خه‌ندقين”.
ئاماژه ب وێ چه‌ندێ ژى كريه كو دهێته چاڤه‌رێكرن دو ته‌رمێن دژى ب هه‌مان هه‌ماهه‌نگى و ب هه‌مان رێ بگه‌هنه هه‌رێما كوردستانێ، به‌لێ ئاماژه ب وێ چه‌ندێ نه‌كريه كا ئه‌و ژى ئێزدى نه يان نه.