ب چەکێ بابێ خوە دووماھی ب ژیانا خوە ئینا
ئەڤرۆ نيوز:
زارۆیەکێ نەە سالی ب چەکێ بابێ خوە خوە بریندار دکەت و پشتی چەند رۆژان ژ برینداربوونێ، دوھی 2/1/2016 ل نەخۆشخانێ گیانێ خوە ژ دەست دا.
واحد سەعید حەسەن کو ئێکە ژ کەسوکارێن زارۆکی بۆ رۆژناما ئەڤرۆ ئاشکرا کر کو رۆژا سێ شەمبیا بوری 29/12/2015 و وی زارۆکی دەست تڤەنگا بابێ خوە ڤەدا و گۆللەک ژ تڤەنگێ دەرکەفت و ب زارۆکی کەفت و بریندار بوو، و بۆ نەخۆشخانا تەنگاڤان ل دھۆکێ ھاتە ڤەگۆھاستن، پشتی چەند رۆژان مایە د نەخۆشخانێ دا، دوھی 2/1/2016 وەغەرکر.
ئاماژە ب وێ چەندێ ژی کر، بابێ وی زارۆکی پێشمەرگەیە و خوە بەرھەڤ دکر دا کو بچیتە سەر ئەرکێ خوە، لێ زارۆیێ وی ب چەکێ وی خوە بریندار کر، لەو نەشیا بچیتە سەر ئەرکێ خوە و گۆت: “پۆلیس ل سەر روودانێ ھاتنە ئاگەھدار کرن، ھەروەسا وی زارۆکی چەند خووشک و برا ھەنە و دەمێ روودانێ ھەر ھەموو مال بوون”.
ناڤێ وی زارۆکی (بیرھات ئیدریس سالح)ە و قوتابیێ پۆلا دویێ بنەرەت بوو ل قوتابخانا کانی مەھمەتکێ یا سەر ب پەروەردا دھۆک رۆژھەلات ڤە و ئاکنجیێ تاخێ بەرۆشکێ یە ل دھۆکێ.