ب وێنه: ئەڤرۆ ئاستێ ئاڤا خابیری 140سم بلند بوو
ئەڤرۆ نیوز، ئەیاد بەرواری:
ڕێڤەبەرێ ئاڤدێریێ ل زاخۆ راگەھاند، ژ ئەگەرێ باران بارینێ، ئاستێ ئاڤێ ل ڕووبارێ خابیری مترەک و 40 سم یێ بلند بووی.
سەلمان سندی، ڕێڤەبەرێ ئاڤدێریێ ل زاخۆ بۆ ئەڤرۆ نیۆز گوت” ئاڤا ڕووبارێ خابیری ل زاخۆ ب ڕێژەکا بەرچاڤ یا بلندبووی، ژ ئەگەرێ بارینا بارانێ ل ڤان چەند رۆژێن بۆری”.
سەلمانی گوت ژی” ل 1/1/2016 ێ ئاستێ ئاڤێ ل ڕووبارێ خابیری گەھشتبوو 134 سم کو ڤەرێژا وێ 74 مترێن سێ جارکی بوون د چرکەکێ دا، بەلێ ئەڤرۆ ڕێکەفتی 9/1/2016ێ، ئاستێ بلندبوونا ئاڤا خابیری گەھشتیە 274 سم کو ڤەرێژا وێ 321 مترێن سێ جارکی د چرکەکێ دا دەرباز دبیت”.
