عيراق دێ به‌رهه‌مئينانا پترۆلێ راگريت؟
ئه‌ڤرۆ نيوز:
ئه‌ندامه‌كێ لژنا ئابوورى و وه‌به‌رهێنانێ ل جڤاتا نوونه‌رێن عيراقێ ئاماژه ب وێ چه‌ندێ دكه‌ت كو ژ ئه‌گه‌ر هاتنه‌خوارا به‌رده‌واما بهايێ په‌ترۆلا خاڤ، داهاتێ عيراقێ ب ره‌گه‌كێ به‌رچاڤ كێمبوويه، ژ به‌ر هندێ ژى هه‌كه بهايێ وێ زێده‌تر ژ ڤێ رێژێ بهێته خوار، حوكمه‌ت چو مفاى ژ فرۆتنا په‌ترۆلێ نابينيت.
ئه‌حمه‌د سه‌ليم، د راگه‌هاندنه‌كا رۆژنامه‌ڤانى دا به‌حس ل وێ چه‌ندێ ژى دكه‌ت كو تێچوويێ ده‌رئينان و هنارتنا په‌ترۆلێ ژ لايێ عيراقێ ڤه پاره‌كێ زۆر لێ دچيت، ژ به‌ر هندێ هه‌كه بهايێ په‌ترۆلا خاڤ هاتنه دبن 20$ دا، عيراق چو مفايێ داراى ژ فرۆتنا په‌ترۆلێ وه‌رناگريت.
گۆتژى: “هه‌كه فرۆتنا په‌ترۆلێ چو داهاته‌كى بۆ عيراقێ دابين نه‌كه‌ت، باشتره ده‌رئينان و فرۆتنا په‌ترۆلێ بهێته راگرتن، چونكو په‌ترۆل ب تالانكرى ناهێته فرۆتن و دێ بۆ ده‌مێ بلندبوونێ هێته عه‌مبار كرن”.
