یێ بچیتە عومرێ دڤێت 100$ بۆ ڤێ مەرەمێ دێ ژێ ھێنە وەرگرتن
ئەڤرۆ نيوز:
وەزارەتا ئەوقاف و کاروبارێن ئایینی یا حوکمەتا ھەرێما کوردستانێ بڕیار دایە، ھەر وەلاتیەکێ ھەرێمێ گەشتا حەجێ یان عومرێ بکەت، دڤێت ب رێیا ھەردو فرۆکخانێن نێڤدەولەتی یێن ھەولێر و سلێمانیێ 100 دۆلاران بۆ ھێزێن پێشمەرگەی بدانیت پاشی گەشتێ بکەت.
مەریوان نەقشبەندی، رێڤەبەرێ پەیوەندیان و گەشەپێدانا ئایینان ل وەزارەتا ئەوقافێ دیار کر، ئەو ب باشی دزانن وەزارەتا ئەوقافێ ڤێ پێنگاڤێ ب ھاڤێژیت و ھەر وەلاتیەکێ گەشتا عومرێ بکەت کۆژمەکێ پارەی بۆ ھێزێن پێشمەرگەی بدانیت و بۆ باسنیوز گۆت: “ھەکەر ئەڤ بڕیارا وەزارەتا ئەوقافێ بچیتە د وارێ ب جھئینانێ دا، جھێ دەست خوشیێ یە و دێ ڤالاتیەکێ ژ ژیانا پێشمەرگێن قارەمان کو نوکە ل سەنگەرێن شەرینە و بەرەڤانیێ ل ژیان و شەرەف و ناووسا مللەتێ مە دکەن پڕکەت”.
خویا ژی کر، وان داخواز کریە، ئەو وەلاتیێ دچنە عومرێ و ئەو پارێ بۆ عومرێ دمەزێخن، پشکەکێ ژێ بدەنە خێزانێن شەھید و پێشمەرگان.
نەقشبەندی دا زانین کو ئەڤ بڕیارە بوویە جھێ دلتەنگیا کۆمپانیێن حەج و عومرێ، لەو دوھی 1/2/2016 گەلەک ژ وان کۆمپانیان ھاتینە ھەولێر و د گەل لایەنێن پەیوەندیدار کۆمبوون.
ئاماژە ب وێ چەندێ ژی کر، ئەڤ بڕیارە کارەکێ باشە و گۆت: “ئەم وەکو کۆمپانیا پێگیرین ب ڤێ بڕیارێ، لێ ب مەرجەکی ئەو پارە بۆ پێشمەرگەی بھێتە مەزاختن”.
