داخوازا قەرەبووکرنا 25 ھزاريێن سویسری دھێتە کرن
دھۆک، لەزگین جۆقی:
سەرۆکێ لژنا دارایی و ئابووری ل پەرلەمانێ کوردستانێ بۆ ئەڤرۆ نیوز دیارکر کو ل رۆژا 28\10\2014 ب فەرمی لژنا دارایی و ئابووری داخوازا قەرەبووکرنی بۆ وان کەسێن پارێ 25 ھزار دیناریێ سویسری ل دەڤ مایی کر.
د. عزەت سابر ئیسماعیل عەبدولا سەرۆکێ لژنا دارایی و ئابووری ل پەرلەمانێ کوردستانێ بۆ ئەڤرۆ نیوز راگەھاند کو ئەوان نڤیسارەکا فەرمی ژ لژنا دارایی و ئابووری ل پەرلەمانی ئاراستەی سەرۆکاتیا پەرلەمانێ ھەرێما کوردستانێ کر و تێدا داخوازا قەرەبووکرنێ ھاتە کرن بۆ وان وەلاتیێن ھەتا نوکە پارێ ٢٥ ھزار دیناری یێ سویسری ل دەڤ مابیت، ل دووڤ دستوورێ عیراقێ مافێ وەلاتیانە بھێنە قەرەبووکرن و پارێ وان نەھێتە سوتن.
