گۆڕان: نه ده‌مێ سه‌ربه‌خۆيێ و ريفراندۆمێ يه
ئه‌ڤرۆ نيوز:
سه‌ركرده‌كا بزاڤا گۆڕان هه‌ڤدژى بۆچوونێن پتريا پارتێن سياسى يێن كوردستانى وه‌سان دبينيت كو كاودانێن هه‌رێما كوردستانێ د باش نينن و ئه‌وا دهێته پێشبينيكرن ب ده‌ست ڤه ناهێت و نابيت به‌حس ل ريفراندۆم و سه‌ربه‌خۆيێ بهێته كرن.
تاڤگه ئه‌حمه‌د ئه‌نداما جڤاتا نوونه‌رێن عيراقێ ل سه‌ر ليستا بزاڤا گۆڕان بۆ ئاژانسێن ده‌نگوباسێن عيراقى راگه‌هاند كو ريفراندۆم و جودا بوونا هه‌رێما كوردستانێ ژ عيراقێ يا ب زه‌حمه‌ت و پێدڤى ره‌زامه‌نديا 148 وه‌لاتان هه‌يه.
تاڤگه ئه‌حمه‌د گۆتيه ژى: “دياركرنا چاره‌نڤيسێ هه‌رێما كوردستانێ د رێيا ريفراندۆمێ را ناهێته كرن، به‌لكو دڤێت پرسا ده‌ڤه‌رێن كێشه ل سه‌ر و قه‌يرانا ئابوورى و كێشێن دى د رێيا رێكه‌فتنێ دا ل گه‌ل به‌غدا بهێنه ئێكلاكرن”.
