بۆچى چ مووچه ئه‌ڤرۆ نه‌هاتنه به‌لاڤكرن؟
ئه‌ڤرۆ نيوز، نيوار محه‌مه‌د سه‌ليم:
ب گۆره‌ى ئه‌و پێزانينێن ميديايان به‌لاڤكرين ژ ژێده‌ره‌كى ژ وه‌زاره‌تا دارايى يا حوكمه‌تا هه‌رێما كوردستانێ ئه‌ڤرۆ رۆژا پێنجشه‌مبى رێكه‌فتى 11ى شوباتا 2016ێ مووچێ هه‌يڤا ئێك يێ چو وه‌زاره‌ت و ده‌سته‌يان نه‌هاته به‌لاڤكرن ب به‌هانا وێ چه‌ندێ كو خشتێن مووچه‌ى ژ لايێ وان ڤه نه‌هاتينه به‌رهه‌ڤكرن.
د ڤێ ده‌ربارێ دا، ئه‌حمه‌د عه‌بدولا زوبێر به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “هه‌ڤالێن مه يێن پشكا ژمێريارى خشتێ مووچان به‌رهه‌ڤ كريه و نوكه كو ده‌مژمێر 12:00 هێشتا يێ ل گه‌نجينێ و كێشه ژ وانه مووچه‌ى به‌لاڤ ناكه‌ن”.
ب گۆره‌ى راگه‌هاندنا وه‌زاره‌تا دارايى و ئابوورى يا حوكمه‌تا هه‌رێما كوردستانێ بڕيار بوو ئه‌ڤرۆ رۆژا پێجشه‌مبى مووچێ هه‌ر ئێك ژ وه‌زاره‌تا په‌روه‌ردێ و ده‌زگه‌هێ گشتيێ ئاسايشێ و جڤاتا ئاسايشێ مووچێ كانوونا دويێ يا ئه‌ڤ ساله وه‌ربگرن.
