نڤێسینگه‌ها فازل میرانى به‌رسڤا میدیایێن گۆڕانێ دده‌ت
ئه‌ڤرۆ نیوز:
نڤێسینگه‌ها فازل میرانى سكرتێرێ پارتى دیمۆكراتى كوردستان به‌رسڤا میدیایێن گۆڕان دده‌ت و ئاشكرا دكه‌ت كو پارتى ب تنێ جاره‌كێ داخوازا كۆمبوونێ یا ژ گۆڕان كرى.
د رۆهنكرنا نڤێسینگه‌ها فازل میرانى دا هاتیه” ده‌مه‌كه میدیایێن بزاڤا گۆڕان به‌حسێ وێ چه‌ندێ دكه‌ن كو پارتى ب رێیا سكرتێرێ مه‌كته‌با سیاسى یا خوه داخوازا كۆمبوونێ كریه و گۆڕانێ ره‌ت كریه. ئه‌وێ گوه ل ڤى نووچه‌یێ رۆژانه یێ راگه‌هاندنێن گۆڕان ببیت دێ وه‌سا لێكده‌ت كو ئه‌ڤ داخوازه رۆژانه ئاراسته‌ى بزاڤا گۆڕان دهێته كرن.
د رۆهنكرنێ دا هاتیه” ب تنێ جاره‌كێ فازل میرانى ب ته‌له‌فۆنێ ل گه‌ل كاك عومه‌ر سه‌ید عه‌لى ئاخفتیه و بۆ دیرۆكێ كاك عومه‌ر ره‌ت نه‌كریه و گۆتبوو د ناڤ خوه دا دێ به‌حس كه‌ین و به‌رسڤا هه‌وه ده‌ین و هه‌ر ئه‌ڤ جاره بوویه. هه‌رچه‌نده ژ پێخه‌مه‌ت به‌رژه‌وه‌ندیێن گشتى یێن كوردستانێ كێماسى نینه چه‌ندین جاران داخوازا كۆمبوونێ ژ هه‌ڤدو بكه‌ین، لێ ب وى ره‌نگێ راگه‌هاندنێن گۆڕان نیشا دده‌ت وێ رامانێ ناگه‌هینیت.
