عەرەبان دەست ب کۆمکرما ئیمزا بۆ ریفراندۆما کوردستانێ کرن
ئەڤرۆ نیوز:
بەرپرسێ لیژنا ناوچا دیجلە یا پارتی دیمۆکراتی کوردستان بۆ رۆژناما ئەڤرۆ راگەھاند کو ل سەر داخوازا عەرەبێن سنوورێ دەڤەرا رەبیعە و دەردۆرێن وێن کو باوەری ب دیمۆکراتیێ و ریفراندومێ ھەیە دوھی 15/2/2016 ئێکەمین بارەگەھێ پارتی ل ڕەبیعە ھاتە ڤەکرن.
حەسەن خەلۆ، بەرپرسێ لیژنا ناوچا دیجلە یا پارتی دیمۆکراتی کوردستان کو ل ھەمان دەمی نوونەرێ لقێ 17یێ پارتی یە ئاشکرا کر پشتی کو چەکدارێن داعش ژ ناحیا رەبیعە ھاتینە دوورخستن و چەندین دەڤەرێن دەردۆر ژی ھاتینە رزگارکرن ٢٧ ھزار وەلاتیێن عەرەبێن وان دەڤەران پەیوەندی ب وان کریە و ھاتینە ناڤ رێزێن پارتی و گۆت “ھەر ل سەر داخوازا وی خەلکێ زۆرێ گەھشتینە پارتی مە ئەڤ بنگەھە بۆ ڤەکر”.
بەرپرسێ لیژنا ناوچا دیجلە یا پارتی دیموکراتی کوردستان گۆت ژی: “خولێن کادران بۆ وان رێکخستیێن عەرەب ھاتینە ڤەکرن و ب بەرھەڤبوونا 40 وان عەرەبێن بووینە کادرێن پارتی ئەڤ بنگەھە ھاتە ڤەکرن، و ئەڤ 27 ھزار رێکخستیێن عەرەب د گەل ئەنجامدانا ڕیفراندومێ نە و بۆ ئیمزا کرینە و د گەل بڕیارا سەرۆکێ ھەرێمێ نە و دخوازن دەڤەرا وان بکەڤیتە سەر ب ھەرێما کوردستانێ ڤە، دا کو ل ھەلبژارتنان مافێ دەنگدانێ ھەبیت”.
