ئەڤ ژمارا قاچاخچیان ھاتنە دەستەسەرکرن
ئەڤرۆ نیوز:
رێڤەبەریا ئاسایشا زاخۆ دیار کر د پێلا کۆچبەریێ دا ل سنوورێ د ناڤبەرا ھەرێمێ و باکوورێ کوردستانێ ژلایێ تیمێن وان ھەروەسا پاسەوانێن سنووری ڤە، 57 کەس ب تۆمەتا قاچاخیێ ل گەل 15 کەسێن ھاریکار بۆ سنووربەزاندنێ دەستەسەر کرینە.
ژێدەرەکێ ئاسایشا زاخۆ، نەخواست ناڤێ وی بھێتە ئاشکرا کرن بۆ رۆژناما ئەڤرۆ دیار کر ئەو 72 کەسە د ھەیاما سالا بۆری و ھەتا نھا دا ل سەر کارێ قاچاخچیکرنا مرۆڤان ل سەر سنووران دەستەسەر کرینە و گۆت “ھەر 72 قاچاخچی ب ھاریکارێن وان ڤە ھاتینە رەوانەکرن بۆ دادگەھا ڤەکۆلینێ و ل دووڤ بەندا دەھێ ژ قانوونا پاسپۆرتان سزایێن قانوونی ل گەل ھاتینە کرن”.
ل گۆر گۆتنێن ئاسایشا زاخۆ ئەو پازدە کەسێن ھاریکار خەلک بۆ قاچاخیان بەرھەڤ دکرن، بۆ ھندێ قاخچی وان دەرباز بکەن، کو ھەمی دەستەسەرکری خەلکێ دەڤەرێن جودا یێن کوردستانێ نە، لێ وان ھەماھەنگی ل گەل ھندەک کەسێن باکوورێ کوردستانێ ھەیە دا خەلکێ دەرباز بکەن و گۆت “نەمانا ڤیزا ئەلکترۆنی کارتێکرنا خوە ھەیە ل سەر چوونا ب نەقانوونی، لێ نھا ژبەر ئالۆزیێن باکوورێ کوردستانێ، سنوور بەزاندنا نەقانوونی کێم بوویە”.
ژێدەرێ ئاسایشێ ئەو یەک ژی دازانین، چ جۆرێن دن یێن قاچاخکرنێ ل سەر سنووران ژلایێ وان ڤە نەھاتینە گرتن، بەلکو زێدەتریا دەستەرکریان بۆ مەرەمێن کۆچبەریێ یە دا د رێیا تورکیا دا دەربازبن و گۆت “ھندەک خەلک و خێزانێن دی ژی د ناڤ باژێری دا مە گرتینە، دا ب رێکێن نە قانوونی دەرباز بن، لێ پاشی ل گۆر قانوونێ بەلێننامە ژێ دھێنە وەرگرتن و دھێنە ئازادکرن”.
