شانده‌كێ هه‌رێما كوردستانێ يێ ل به‌غدا
ئه‌ڤرۆ نيوز:
شانده‌كێ هه‌رێما كوردستانێ كو ژ وه‌زيرێ چاندنێ و ساخله‌ميێ پێكهاتيه ب مه‌ره‌ما ژناڤبرنا بڕيارا قه‌ده‌غه‌كرنا هنارتنا به‌رهه‌مێ په‌له‌وه‌رى بۆ ناڤه‌راست و باشوورێ عيراقێ و چاره‌كرنا ره‌وانه‌كرنا پارێ گه‌نم و جه‌هێ جۆتياران، ل به‌غدانه و نوكه‌ل گه‌ل فوئاد مه‌عسوم يێ د كۆمبوونێ دا.
شاندێ هه‌رێما كوردستانێ كو ژ عه‌بدولستار مه‌جيد، وه‌زيرێ چاندنێ و ژێده‌رێن چاڤێ، د. رێكه‌وت حه‌مه ره‌شيد وه‌زيرێ ساخله‌ميێ پێكهاتيه، به‌رى سه‌ره‌دانێ ژى ل گه‌ل نێچيرڤان بارزانى سه‌رۆك وه‌زيرێن حوكمه‌تا هه‌رێما كوردستانێ كۆمبووينه دا كو پلانا كۆمبوونێ ب دارێژن، بڕياره هه‌ر ئه‌ڤرۆ ل گه‌ل وه‌زيرێ ساخله‌ميێ و چاندنێ يێن عيراقێ و لژنا بلندا روو ب رووبوونا ئه‌نفلۆنزا بالندا يا عيراقێ كۆم ببن.
ئامانجا سه‌ره‌دانێ ژى بۆ به‌غدا ب مه‌ره‌ما چاره‌كرنا كێشايه ب تايبه‌ت ژناڤبرنا بڕيارا قه‌ده‌غه‌كرنا هنارتنا به‌رهه‌مێ په‌له‌وه‌رى يێ هه‌رێما كوردستانێ بۆ باژێرێن عيراقێ و ره‌زامه‌ندى وه‌رگرتن بۆ ره‌وانه‌كرنا پارێ گه‌نم و جه‌هێ جۆتياران يێ سالا 2014 و 2015ێ.
