بريسيێ كه‌سه‌ك كوشت
ئه‌ڤرۆ نيوز:
رێڤه‌به‌ريا پۆليسێن دهۆكێ راگه‌هاند كو ئه‌ڤرۆ ژ ئه‌نجامێ بريسيه‌كێ گه‌نجه‌كى گيانێ خوه ژ ده‌ست دا و لاشێ وى بۆ نوشداريا داد ل دهۆكێ هاته ره‌وانه‌كرن.
رائيدێ ماقپه‌روه‌ر هێمن سلێمان به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ئێڤاريا ئه‌ڤرۆ رۆژا دوشه‌مبى رێكه‌فتى 28ى ئادارا 2016ێ و ل ده‌مژمێر 5:30 ده‌قيقه بنگه‌هێ پۆليسێن ئه‌ترووش هاتيه ئاگه‌هداركرن ب هه‌بوونا روودانه‌كێ و پشتى ل جهێ روودانێ ئاماده بووين ديار بوو كو برسيێ شڤانه‌كێ به‌زى ب ناڤێ (كه‌ريم محه‌مه‌د سالح كوشتيه) كو ژيێ وى 22 سالن”.
دا زانين ژى كو ئه‌ڤ روودانه ل ئاقارێ گۆندێ شه‌هيا يا سه‌ر ب ناحيا ئه‌ترووش ڤه هاتيه روودان و گۆت: “لاشێ وى بۆ نوشداريا داد هاته ره‌وانه‌كرن و په‌رێن ڤه‌كۆلينێ ل بنگه‌هێ پۆليسێن ئه‌ترووش هاتنه ڤه‌كرن”.
