توركيا ده‌رگه‌هێ سنورى يێ ئيبراهيم خه‌ليل داخست
ئه‌ڤرۆ نيوز:
هه‌ر ژ به‌ر قه‌ده‌غه‌یا هاتوچۆیێ ل سلۆپى حكومه‌تا توركیا ئه‌ڤرۆ سپێدێ، ژبه‌ر ئۆپه‌راسیۆنێن سوپایی ل باكورێ كوردستانێ، رێیا هاتوچوویێ ل ده‌ریێ ئیبراهیم خه‌لیل داخست.
محه‌مه‌د تاهر، جێگرێ رێڤه‌به‌رێ گشتی یێ كومه‌لگه‌ها ئیبراهیم خه‌لیل بۆ وار گۆت: ئه‌ڤرۆ ده‌مژمێر پێنجی سپێدێ، توركیا دووباره رێیا هاتوچوویێ ل ده‌ریێ ئیبراهیم خه‌لیل داخست و كێشه‌یا ڤه‌كرن و گرتنا ده‌ریێ ئیبراهیم خه‌لیل ل ده‌ڤ توركیایه و ئه‌گه‌رێ گرتنا وێ، بۆ وان گرژی و ئالۆزیێن باكۆری كوردستانێ یێن دناڤبه‌را گه‌ریلایێن په‌كه‌كێ و حكومه‌تا توركیا دا، ڤه‌دگه‌ڕن.
پێشتر چه‌ندین جاران، ژبه‌ر ئۆپه‌راسیۆنێن سوپایێ توركیا، رێیا هاتوچوویێ ل ده‌ریێ سنۆری یێ ئیبراهیم خه‌لیل هاتیه داخستن و چه‌ندین جاران، گه‌شتیار و شوفێر دناڤبه‌را هه‌ردو ده‌ریان دا ئاسێ ماینه و رێیا ده‌ربازبوونا باكۆرێ كوردستانێ، لێ هاتییه گرتن.
