حوكمه‌تێ ئه‌ڤ رۆژه كرنه بهێنڤه‌دان
ئه‌ڤرۆ نيوز:
ب هه‌لكه‌فتا سالرۆژا رزگاركرنا عيراقێ ژ دكتاتوريه‌تێ رۆژا ئێكشه‌مبيا بهێت دێ بهێنڤه‌دانا فه‌رمى بيت، به‌لێ قوتابى و مامۆستايان ب خوه ڤه ناگريت.
سه‌فين دزه‌ى ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند: ژ به‌ر كو رۆژا بهێنڤه‌دانێ شه‌مبى يه، شه‌مبى ژى ب خوه بهێنڤه‌دانه، رۆژا ئێكشه‌مبى ل جهێ وێ دێ بيته بهێنڤه‌دان.
ده‌رباره‌ى هه‌ردو وه‌زاره‌تێن په‌روه‌ردێ و خواندنا بلند گۆت: “رۆژا شه‌مبى 9ى نيسانا 2016ێ ل هه‌موو قوتابخانه و زانكۆيان و داموده‌زگه‌هێن كارگێرى يێن په‌روه‌ردێ و خواندنا بلند بهێنڤه‌دانه، به‌لێ رۆژا ئێكشه‌مبى دێ بۆ وان ده‌واما فه‌رمى بيت”.
پێشتر خه‌يرى بۆزانى رێڤه‌به‌رێ گشتى يێ كاروبارێن ئاينى ل حوكمه‌تا هه‌رێما كوردستانێ راگه‌هاندبوو كو رۆژا 13ى نيسانێ ب هه‌لكه‌فتا جه‌ژنا چارشه‌مبوويا سور ل هه‌موو داموده‌زگه‌هێن حكومى بهێنڤه‌دانا فه‌رمى يه.
