پێشمەرگەی دو گوند کۆنتڕۆلکرن
ئەڤرۆ نیۆز، قائید میرۆ:
سپێدەھیا ئەڤرۆ ھێزێن پێشمەرگەی دو گوند ل میحوەرێ ناوەران ئازادکرن و شەڕ یێ بەردەوامە ناڤبەرا ھێزێن پێشمەرگە و چەکدارێن داعش.
غەیاس سورچی، پەیڤدارێ مەلبەندێ نەینەوا یێ ئێکەتیێ ب ئەڤرۆ نیۆز راگەھاند” کو ئەڤرۆ ھێزێن پێشمەرگەی ب ھەڤکاریا چەکدارێن حەشدا وەتەنی و ھەڤپەیمانان ل میحوەرێ ناوەران دەست ب ھێرشەکێ بۆسەر تیرۆرستێن داعش کریە و ھەتا نوکە ھەردو گوندێن ناوەران و باریمە ھاتینە کۆنتڕۆلکرن، کو ھەردو گوندێن کورددانن ل دەڤەرێ.
سورچی گۆتژی” ھەتا نوکە شەڕ یێ بەردەوامە دناڤبەرا ھێزێن پێشمەرگە و تیرۆرستێن داعشدا و پێشمەرگە یێ بەرەف پێش دچیت بۆ کۆنتڕۆلکرنا ئەردێ بن کۆنتڕۆلا تیرۆرستان.
