نه‌خۆشخانه و بنگه‌هێن ساخله‌ميێ يێن هه‌رێمێ خستنه ئاماده‌باشيێ
ئه‌ڤرۆ نيوز:
بۆ وه‌رگرتن و چاره‌كرنا بريندارێن روودانا قامشلۆ يا رۆژئاڤايێ كوردستانێ، هه‌رێما كوردستانێ نه‌خۆشخانه و بنگه‌هێن خوه يێن ساخله‌ميێ خستنه ئاماده باشيێ.
ب گۆره‌ى راگه‌هاندنه‌كێ كو ل مالپه‌رێ فه‌رميێ سه‌رۆكاتيا هه‌رێما كوردستانێ دا به‌لاڤ بوويه، ل سه‌ر فه‌رمانا مه‌سعود بارزانى سه‌رۆكێ هه‌رێما كوردستانێ نه‌خۆشخانه و بنگه‌هێن ساخله‌ميێ يێن هه‌رێما كوردستانێ خستنه ئاماده باشيێ بۆ وه‌رگرتن و پاره‌كرنا بريندارێن روودانا باژێرێ قامشلۆ يا رۆژئاڤايێ كوردستانێ.
هه‌ر د وێ راگه‌هاندنێ دا هاتيه: “بارزانى هه‌موو داموده‌زگه‌هێن په‌يوه‌نديدارێن هه‌رێما كوردستانێ راسپاردن كو ئه‌ڤا پێدڤى بيت بكه‌ن ب مه‌ره‌ما هاريكارى و كارئاسانيێ بۆ هاريكارى و پێشوازيكرنێ ل برينداران و هه‌ر پێدڤيه‌كا هه‌بيت”.
چارشه‌مبيا بۆرى شه‌ر و پێكدادان د ناڤبه‌را يه‌كينێن پاراستنا گه‌ل يه‌په‌گه و سۆپايێ رژێما ئه‌سه‌د ل قامسلۆ ده‌ستپێكر و ژ ئه‌گه‌رێ وێ چه‌ندێ چه‌ندين وه‌لاتى شه‌هيد و بريندار بوون.
